A Orde do 17 de setembro de 2019 pola que se convocan os premios extraordinarios nas ensinanzas artísticas profesionais nas modalidades de Música, de Danza e de Artes Plásticas e Deseño na Comunidade Autónoma de Galicia, correspondentes ao curso 2018/19, establece no seu artigo 14.1 que o titular da Dirección Xeral de Educación, Formación Profesional e Innovación Educativa elevará a proposta feita polo xurado de selección á conselleira de Educación, Universidade e Formación Profesional, que emitirá a correspondente resolución de adxudicación para a súa publicación no Diario Oficial de Galicia.
Unha vez resolta a convocatoria, publicadas no portal educativo https://www.edu.xunta.gal as cualificacións provisionais obtidas polos candidatos e candidatas, resoltas as reclamacións presentadas, vista a acta coa proposta definitiva do tribunal de adxudicación dos premios extraordinarios e por proposta do director xeral de Educación, Formación Profesional e Innovación Educativa,
RESOLVO:
Primeiro. Conceder os premios extraordinarios nas ensinanzas artísticas profesionais nas modalidades de Música, de Danza e de Artes Plásticas e Deseño na Comunidade Autónoma de Galicia, correspondentes ao curso 2018/19, ao alumnado que figura no anexo desta resolución.
Segundo. Esta resolución de adxudicación dos premios poderá ser impugnada mediante recurso potestativo de reposición ante a conselleira de Educación, Universidade e Formación Profesional no prazo dun mes, a partir do día seguinte ao da data de publicación no Diario Oficial de Galicia, segundo o disposto nos artigos 123 e 124 da Lei 39/2015, do 1 de outubro, do procedemento administrativo común das administracións públicas, ou ben directamente mediante recurso contencioso-administrativo ante a Sala do Contencioso-Administrativo do Tribunal Superior de Xustiza de Galicia, no prazo de dous meses desde tal publicación, segundo prevé o artigo 46 da Lei 29/1998, do 13 de xullo, reguladora da xurisdición contencioso-administrativa.
Santiago de Compostela, 19 de febreiro de 2020
Carmen Pomar Tojo
Conselleira de Educación, Universidade e Formación Profesional
ANEXO
Premios extraordinarios nas modalidades de Música, de Danza e
de Artes Plásticas e Deseño na Comunidade Autónoma de Galicia,
correspondentes ao curso 2018/19
Modalidade de Música
Sol. |
Apelidos e nome |
Centro de estudos |
Importe |
2218953 |
Iglesias Lista, Miguel |
CMUS profesional, A Coruña |
850 € |
2191424 |
Estévez Moureira, Jaime |
CMUS profesional, Vigo |
850 € |
2176261 |
Budiño Pinaque, Pedro |
CEMU Manuel Peleteiro, Santiago |
850 € |
Modalidade de Danza
Sol. |
Apelidos e nome |
Centro de estudos |
Importe |
2204780 |
Arrechedera Colosimo, Andrea Carolina |
CDAN profesional, Lugo |
850 € |
Modalidade de Artes Plásticas e Deseño
Sol. |
Apelidos e nome |
Centro de estudos |
Importe |
2213288 |
Andrade Brea, Paula |
EASD Pablo Picasso, A Coruña |
850 € |
2211933 |
Carrazza Ibáñez, Naiara Ayelén |
EASD Mestre Mateo, Santiago |
850 € |