Pola presente, e de conformidade co disposto nos artigos 44 e 46 da Lei 39/2015, do 1 de outubro, do procedemento administrativo común das administracións públicas (BOE nº 236, do 2 de outubro), notifícaselles ás persoas físicas e xurídicas que a continuación se mencionan, titulares de establecementos turísticos, as resolucións dos procedementos administrativos de carácter sancionador en materia de turismo por infracción administrativa grave da Lei 7/2011, do 27 de outubro, do turismo de Galicia (DOG nº 216, do 11 de novembro), e que, intentadas polos medios habituais, non se puideron practicar.
As/os interesadas/os poderán examinar os seus expedientes, e recoller as resolucións mediante comparecencia nas dependencias desta Axencia Turismo de Galicia situadas na estrada de Santiago-Noia, km 3, A Barcia, de Santiago de Compostela (A Coruña).
Contra as ditas resolucións, que poñen fin á vía administrativa, as/os interesadas/os poderán interpoñer recurso de reposición perante a titular da Axencia Turismo de Galicia no prazo dun (1) mes, ou ben recurso contencioso-administrativo no prazo de dous (2) meses, desde o día seguinte ao desta publicación, de conformidade co establecido nos artigos 8.2.b), 14.1 segunda, e 46 da Lei 29/1998, do 13 de xullo, reguladora da xurisdición contencioso-administrativa.
Expediente: TUSAN1 2019/022-3.
Sancionada: Mª Dolores Pérez Mougán.
NIF: 35470337J.
Último enderezo: lugar de Vilaboa, nº 70.
Localidade: Allariz (Ourense).
Preceptos infrinxidos: artigo 110.1 da Lei 7/2011, do 27 de outubro, do turismo de Galicia.
Resolución: multa de 3.000,00 euros.
Expediente: TUSAN1 2018/056-3.
Sancionada: André Claude Bellamy.
NIF: Y2160011A.
Último enderezo: lugar de Fondo da Vila, nº 35.
Localidade: Boborás (Ourense).
Preceptos infrinxidos: artigos 110.11 e 110.12 da Lei 7/2011, do 27 de outubro, do turismo de Galicia.
Resolución: multa de 1.802,00 euros.
Expediente: TUSAN1 2019/031-4.
Sancionado: Manuel Jesús González Santiago.
NIF: 35251515J.
Último enderezo: rúa Veiga da Eira, nº 8, 5º A.
Localidade: Pontevedra (Pontevedra).
Preceptos infrinxidos: artigo 110.1 da Lei 7/2011, do 27 de outubro, do turismo de Galicia.
Resolución: finalizar o procedemento sancionador.
Comunícaselles que, transcorrido o prazo de interposición do recurso de reposición, estas resolucións poñerán fin á vía administrativa e serán por tanto executivas, polo que deberá aboar o importe da multa nos seguintes prazos: a) publicación entre os días 1 e 15 de cada mes, desde a data da publicación ata o día 20 do mes posterior, ou ata o día inmediato hábil seguinte, b) publicación entre os días 16 e último de cada mes, desde a data da publicación ata o día 5 do segundo mes posterior, ou ata o día inmediato hábil seguinte.
O aboamento realizarase mediante os impresos formalizados que lle serán facilitados nas dependencias desta axencia de turismo. De non efectuarse o ingreso no período voluntario, procederase á exacción da débeda pola vía de constrinximento.
Santiago de Compostela, 20 de febreiro de 2020
José Luis Maestro Castiñeiras
Director de Competitividade
