No Boletín Oficial da provincia de Pontevedra (BOP) nº 50, do 12 de marzo de 2020, publicáronse as bases xerais e específicas que rexen a convocatoria para o acceso a diversas prazas vacantes no Concello de Pontevedra incluídas na OEP 2019.
A concelleira delegada do Servizo de Persoal e Cultura convocou, mediante Resolución do 5 de marzo de 2020, os procesos selectivos para a cobertura, pola promoción interna, de diversas prazas vacantes no Concello de Pontevedra incluídas na oferta de emprego público do ano 2019, que a continuación se sinalan:
– Grupo segundo o artigo 76 do texto refundido da Lei do Estatuto básico do empregado público: C. Subgrupo C1. Clasificación: escala de Administración xeral, subescala administrativa. Número de vacantes: 3. Denominación: administrativo.
– Grupo segundo o artigo 76 do texto refundido da Lei do Estatuto básico do empregado público: C. Subgrupo C2. Clasificación: escala de Administración xeral, subescala auxiliar. Número de vacantes: 5. Denominación: auxiliar.
– Grupo segundo o artigo 76 do Real decreto lexislativo 5/2015, polo que se aproba o texto refundido da Lei do Estatuto básico do empregado público: A. Subgrupo A2. Clasificación: escala de Administración xeral, subescala de xestión. Número de vacantes: 1. Denominación: técnico medio.
O prazo de presentación de instancias será de vinte días naturais contados a partir do día seguinte ao da publicación do presente anuncio no Boletín Oficial del Estado, publicándose os sucesivos anuncios no Boletín Oficial da provincia de Pontevedra e no taboleiro de editos da corporación nos térmos establecidos nas bases.
Pontevedra, 12 de marzo de 2020
O alcalde
P.D. (Acordo da Xunta de Goberno Local do 15.6.2019)
María del Carmen Fouces Díaz
A concelleira delegada do Servizo de Persoal e Cultura