No Boletín Oficial da provincia de Pontevedra (BOP) número 50, do 12 de marzo de 2020, publicáronse as bases xerais e específicas que rexen a convocatoria para o acceso a diversas prazas vacantes no Concello de Pontevedra incluídas na OEP 2019.
A concelleira delegada do Servizo de Persoal e Cultura convocou, mediante Resolución do 5.3.2020, os procesos selectivos para a cobertura, pola quenda libre, de diversas prazas vacantes no Concello de Pontevedra incluídas na oferta de emprego público do ano 2019, que a continuación se sinalan:
– Grupo segundo o artigo 76 do texto refundido da Lei do Estatuto básico do empregado público: C. Subgrupo C1. Clasificación: escala de Administración xeral, subescala administrativa. Número de vacantes: 3. Denominación: administrativo. Resérvase unha (1) praza para persoas con discapacidade.
– Grupo segundo o artigo 76 do texto refundido da Lei do Estatuto básico do empregado público: C. Subgrupo C2. Clasificación: escala de Administración xeral, subescala auxiliar. Número de vacantes: 2. Denominación: auxiliar. Resérvase unha (1) praza para persoas con discapacidade.
– Grupo segundo o artigo 76 do texto refundido da Lei do estatuto básico do empregado público: A. Subgrupo A2. Clasificación: escala de administración especial, subescala técnica, clase técnicos medios. Número de vacantes: 1. Denominación: traballador/a social.
– Grupo segundo o artigo 76 do texto refundido da Lei do estatuto básico do empregado público: C. Subgrupo C2 da clase de servizos de extinción de incendios, subescala de servizos especias da escala de Administración especial. Número de vacantes: 2. Denominación: bombeiro/a-condutor/a.
O prazo de presentación de instancias será de vinte días naturais contados a partir do día seguinte ao da publicación do presente anuncio no Boletín Oficial del Estado, e os sucesivos anuncios publicaranse no Boletín Oficial da provincia de Pontevedra e no taboleiro de editos da Corporación nos termos establecidos nas bases.
Pontevedra, 12 de marzo de 2020
O alcalde
P.D. (Acordo da Xunta Goberno Local do 15.6.2019)
María del Carmen Fouces Díaz
Concelleira delegada do Servizo de Persoal e Cultura