Anúnciase, de conformidade ao disposto no artigo 82.2 da Lei 2/2016, do solo de Galicia e do artigo 199.2 do Decreto da Xunta de Galicia 143/2016, que o Concello Pleno en sesión ordinaria, do día 13 de decembro de 2019, adoptou entre outros, o seguinte Acordo, cuxa parte dispositiva di:
«O Concello Pleno en sesión ordinaria do día 13 de decembro do ano 2019 adoptou, entre outros, o seguinte Acordo cuxa parte dispositiva di:
4.1. Estudo de detalle para reordenación de volumes de varias parcelas na rúa Santo Domingo e avenida de Buenos Aires. Expediente planeamento urbanístico 2018007665. Aprobación definitiva.
O secretario dá conta do ditame da Comisión de Pleno extraordinaria en substitución da ordinaria do 4 de decembro de 2019 que, por catro votos a favor Grupo Municipal de Democracia Ourensana e do Grupo Municipal do Partido Popular, e catro abstencións do Grupo Municipal do PsdeG-PSOE e do Grupo Municipal do Bloque Nacionalista Galego, ditamina favorablemente a proposta da concelleira delegada de Urbanismo, que se incorpora ao expediente.
O Pleno do Concello, por dezaseis votos a favor do Grupo Municipal de Democracia Ourensana, do Grupo Municipal do Partido Popular e do Grupo Municipal de Ciudadanos; e once abstencións do Grupo Municipal do PsdeG-PSOE e do Grupo Municipal do Bloque Nacionalista Galego, adoptou o seguinte Acordo:
Aprobar definitivamente o estudo de detalle para a reordenación de volumes en varias parcelas da rúa Santo Domingo e avenida de Bos Aires na súa versión de documento refundido para a aprobación inicial (marzo 2019) por pedimento de Dessa Urbanismo, SLNE (CIF B94007556), representada por Mª del Consuelo González García.
Para unir ao expediente da súa razón, expídese o presente coa advertencia e salvidade á que se refire o artigo 206 do Regulamento de organización, funcionamento e réxime xurídico das entidades locais do 28 de novembro de 1986, isto é, a reserva dos termos da aprobación da acta definitiva».
Contra a presente resolución, que é definitiva na vía administrativa, poderase interpoñer recurso contencioso-administrativo ante o Tribunal Superior de Xustiza de Galicia, no prazo de dous meses contados desde o día seguinte ao da publicación deste anuncio. Non obstante, poderase interpoñer calquera outro recurso que considere oportuno.
Todo isto conforme o disposto nos artigos 52 da Lei reguladora das bases de réxime local; 194 e concordantes do Regulamento de organización, funcionamento e réxime xurídico das entidades locais; 45 da Lei 39/2015, do procedemento administrativo común; 10 e 46 da Lei da xurisdicción contencioso-administrativa e, demais de aplicación.
Estará dispoñible o contido íntegro do instrumento de planeamento nas webs www.ourense.gal e www.planeamentourbanistico.xunta.es/siotuga
Ourense, 10 de xaneiro de 2020
Gonzalo Pérez Jácome
Alcalde presidente