O Concello Pleno, en sesión extraordinaria do 11 de marzo de 2020, acordou aprobar as novas porcentaxes de reserva de solo para vivendas sometidas a algún réxime de protección pública e as porcentaxes de reserva de solo para vivendas colectivas libres con prezo taxado polo Concello nos ámbitos de solo urbano non consolidado e solo urbanizable delimitado.

As porcentaxes de reserva de solo deste acordo aplicaranse aos polígonos de solo urbano non consolidado e sectores de solo urbanizable que non teñan aprobado definitivamente o proxecto de equidistribución.

Segundo o acordo, as táboas serán publicadas na web municipal.

Oleiros, 13 de marzo de 2020

Ángel García Seoane
Alcalde presidente