Por Resolución da Alcaldía número 67/2020, do 10 de marzo de 2020, aprobouse a oferta de emprego público para o ano 2020 do Concello de Trabada, que establece o seguinte:
«Visto que o Pleno deste Concello aprobou de maneira inicial, en sesión do día 27 de novembro de 2019, o orzamento municipal para o ano 2020, xunto co cadro de persoal desta corporación, que foi publicado de maneira definitiva o día 26 de decembro de 2019 no BOP de Lugo número 295.
Visto que, no citado cadro de persoal que foi recentemente modificado por acordo plenario do 8 de xaneiro e publicado de maneira definitiva no BOP de Lugo número 46, do 26 febreiro de 2020, figuran vacantes e dotadas orzamentariamente diversas prazas, cuxa cobertura se considera necesaria no presente exercicio para o bo funcionamento dos servizos municipais.
Visto o informe técnico, en que se especifica o resultado do cálculo da taxa de reposición e as prazas vacantes que poderían ser obxecto de oferta pública de emprego.
Visto o informe da Intervención en que se verifica o cumprimento da legalidade e normativa aplicable.
Examinada a documentación que a acompaña, visto o informe da Secretaría, e de conformidade co establecido no artigo 21.1.g) da Lei 7/1985, do 2 de abril, reguladora das bases do réxime local,
RESOLVO:
Primeiro. Aprobar a oferta de emprego público deste concello para o ano 2020, que contén os seguintes postos de traballo:
Persoal funcionario:
|
Denominación |
Total prazas |
Grupo |
Subgrupo |
Clasificación |
|
Auxiliar administrativo |
1 |
C |
C2 |
Escala Administración xeral, subescala auxiliar |
Persoal laboral fixo:
|
Denominación |
Total prazas |
Corpo/escala |
Grupo/subgrupo |
Clasificación |
|
Condutor-oficial servizos múltiples |
1 |
Oficial |
C/C2 |
Escala Administración especial, subescala servizos especiais |
Segundo. Publicar a oferta de emprego público no taboleiro de anuncios da Corporación, así como na sede electrónica deste concello, no Boletín Oficial da provincia de Lugo e no Diario Oficial de Galicia para os efectos oportunos.
Terceiro. Convocar as prazas ofertadas en execución da presente oferta de emprego público dentro do prazo improrrogable de tres anos contados desde a súa data de publicación.
Cuarto. Dar conta do presente decreto na vindeira sesión ordinaria plenaria.
En Trabada asínao a alcaldesa ante o secretario na data que figura na marxe».
Trabada, 20 de marzo de 2020
Mayra García Bermúdez
Alcaldesa
