A Dirección da Axencia de Protección da Legalidade Urbanística ditou, o 15 de xaneiro de 2020, resolución pola que se concede o acceso á información pública, en relación co inmoble con referencia catastral 27049A017002280000BW do polígono 17, parcela 228 do concello de Portomarín, no lugar de Chouza de Pozos, provincia de Lugo.

Ao non poder realizar a notificación persoal daquela resolución a María de la Soledad Varela López, mediante este anuncio e ao abeiro do disposto no artigo 44 da Lei 39/2015, do 1 de outubro, do procedemento administrativo común das administracións públicas, notifícaselle á interesada a devandita resolución por medio dun anuncio no Boletín Oficial del Estado.

Tendo en conta que, en atención ao previsto no artigo 46 da Lei 39/2015, do procedemento administrativo común das administracións públicas, o acto non se publica na súa integridade, comunícaselle á interesada que o texto íntegro da resolución que se notifica se atopa ao seu dispor nas dependencias da Axencia de Protección da Legalidade Urbanística, sitas no Edificio Witland, Salgueiriños en Santiago de Compostela, para a súa consulta no prazo de 10 días hábiles, que se contarán desde o día seguinte ao da publicación deste anuncio no Boletín Oficial del Estado. Unha vez transcorrido o devandito prazo, a notificación entenderase producida.

Contra a devandita resolución, que é definitiva na vía administrativa, a interesada poderá interpor reclamación ante o Valedor do Pobo no prazo dun mes contado desde o día seguinte ao da notificación do acto impugnado, con carácter potestativo e previo á impugnación na vía contencioso-administrativa; ou ben pode interpor directamente recurso contencioso-administrativo, no prazo de dous meses, ante o xulgado do contencioso-administrativo en cuxa circunscrición radique o inmoble afectado, consonte o artigo 14.1.3ª da Lei 29/1998, do 13 de xullo, reguladora da xurisdición contencioso-administrativa.

Para que conste e lle sirva de notificación á citada interesada, en cumprimento do disposto no artigo 44 da Lei 39/2015, do procedemento administrativo común das administracións públicas, expido e asino este anuncio.

Santiago de Compostela, 13 de marzo de 2020

José Antonio Cerdeira Pérez
Director da Axencia de Protección da Legalidade Urbanística