Para os efectos de dar cumprimento ao solicitado polo Xulgado do Contencioso-Administrativo número 2 de Lugo, en relación co procedemento ordinario 78/2020, interposto por Asfaltos y Viales, S.L. contra a resolución desestimatoria ditada pola Axencia de Protección da Legalidade Urbanística no recurso de reposición o 16.1.2020, expediente LUG/12/2013, interposto contra outra do 30.6.2014 pola que se declara que as obras consistentes na instalación de planta fixa de aglomerado en quente (con moegas de almacenaxe, báscula e unha zona de almacenaxe tipo silos de formigón con material de agregados almacenado, rampla na zona de moegas, caseta de obra, contedor metálico e alpendre) e do sistema de produción de aglomerado frío (con moegas e material de agregados almacenado), realizadas con posterioridade ao ano 2007, e ampliación da nave orixinaria, no lugar de Morgade, concello do Saviñao, non son legalizables por seren incompatibles co ordenamento urbanístico, e ordena a demolición das obras, o cesamento definitivo dos usos a que desen lugar e a reposición dos terreos afectados ao estado anterior ao inicio das obras, para o que se fixou un prazo máximo de tres meses, esta dirección resolveu ordenar a remisión do correspondente expediente ao Xulgado do Contencioso-Administrativo número 2 de Lugo.
Ao non poder realizarse a notificación persoal do emprazamento, mediante a presente cédula (que, ao abeiro do disposto no artigo 44 da Lei 39/2015, do procedemento administrativo común das administracións públicas, se lle notifica por medio dun anuncio publicado no Boletín Oficial del Estado) emprázase a Purificación Veiga López para que poida comparecer como interesada nos autos no prazo de nove días, de acordo co disposto no artigo 49.1 da Lei 29/1998, do 13 de xullo, reguladora da xurisdición contencioso-administrativa.
Santiago de Compostela, 15 de xuño de 2020
José Antonio Cerdeira Pérez
Director da Axencia de Protección da Legalidade Urbanística