A Alcaldía, mediante o Decreto número 243, do 25 de maio de 2020, e de acordo co disposto no artigo 75 da Lei 2/2016, do 10 de febreiro, do solo de Galicia, e no artigo 186 do Decreto 143/2016, do 22 de setembro, polo que se aproba o Regulamento da Lei 2/2016, aprobou inicialmente o expediente do Plan especial para a ampliación do parque empresarial de Castro de Ribeiras de Lea (Castro de Rei), redactado polo enxeñeiro de camiños, canles e portos Fernando López Bellón, con data de maio de 2020, e presentado por iniciativa de Xestión do Solo de Galicia (Xestur, S.A.), en virtude de convenio entre o Concello de Castro de Rei e Xestur asinado o 4 de abril de 2014.

O expediente sométese a información pública polo prazo de dous meses contados desde a súa publicación no Diario Oficial de Galicia e nun dos xornais da provincia, co fin de que durante o citado período as persoas que dalgún xeito se consideren afectadas poidan examinalo nas oficinas do Concello, en Castro de Rei, desde as dez ás catorce horas de luns a venres, e formular por escrito as reclamacións ou observacións que consideren oportunas.

Castro de Rei, 1 de xuño de 2020

Francisco Javier Balado Teijeiro
Alcalde presidente