O Pleno do Concello, na sesión que tivo lugar o 2 de xullo de 2020, adoptou, entre outros, o seguinte acordo:
Primeiro. Aprobar definitivamente o documento denominado Estudo de detalle para ampliación de instalacións. Showa Denko Carbón Spain, S.A. Maio de 2020, redactado polo arquitecto Vicente Fernández-Couto Gómez e o enxeñeiro Industrial Alberto Castro Martínez, e promovido por Showa Denko Carbón Spain, S.A.
Segundo. Ordenar a publicación e realización dos trámites administrativos recollidos no artigo 82 e 88 da Lei 2/2026, do 10 de febreiro, do solo de Galicia, e concordantes do regulamento de desenvolvemento desta, para procurar a eficacia do acto de aprobación definitiva e a entrada en vigor do estudo de detalle aprobado.
Terceiro. Notificar este acordo ao promotor do estudo de detalle e ás áreas municipais interesadas na tramitación do expediente.
O contido íntegro do estudo de detalle aprobado pódese consultar nas dependencias municipais de Urbanismo, na páxina web de Urbanismo do Concello https://www.coruna.gal/urbanismo, na epígrafe de Planeamento/planeamento vixente ou ben, desde a mesma web, a través do Visor Desenvolvemento do Planeamento.
Contra este acordo, con carácter de disposición administrativa de carácter xeral, pódese interpoñer directamente recurso contencioso-administrativo ante a sala correspondente do Tribunal Superior de Xustiza de Galicia (artigo 84.1 da Lei do solo de Galicia, e artigo 201.1 do seu regulamento), no prazo de dous meses que se contarán a partir do día seguinte ao da publicación deste anuncio, de conformidade co disposto no artigo 46 da Lei 29/1998, do 13 de xullo, da xurisdición contencioso-administrativa, sen prexuízo de interpoñer calquera outro recurso que se entenda máis procedente e sexa conforme a dereito.
A Coruña, 6 de xullo de 2020
A alcaldesa
P.D. (Decreto 3829/2019; BOP núm. 124, do 3 de xullo)
Juan Manuel Díaz Villoslada
Concelleiro delegado de Urbanismo, Vivenda, Infraestruturas e Mobilidade