Para que sirva de notificación a Carmen María Mota Fraga, ao non ter sido posible efectuar esta no último domicilio coñecido da interesada e de conformidade co disposto nos artigos 44 e 46 da Lei 39/2015, do 1 de outubro, do procedemento administrativo común das administracións públicas, faise público que pola Resolución da Dirección Xeral de Recursos Humanos do Servizo Galego de Saúde do 9 de marzo de 2020 iniciouse un procedemento administrativo de exclusión de listas de selección temporal na categoría de técnico/a en coidados auxiliares de enfermaría.

O texto íntegro do acordo de incoación así como a documentación que figura no expediente encóntrase á disposición da interesada nas dependencias da Dirección Xeral de Recursos Humanos do Servizo Galego de Saúde, Edificio Administrativo San Lázaro, s/n, en Santiago de Compostela, das 9.00 ás 14.00 horas, de luns a venres.

A interesada disporá dun prazo de dez (10) días hábiles contados a partir do seguinte ao desta publicación para formular sobre o contido do acordo de iniciación as alegacións que considere convenientes.

Santiago de Compostela, 22 de xullo de 2020

Margarita Prado Vaamonde
Directora xeral de Recursos Humanos