A Lei 9/2007, do 13 de xuño, de subvencións de Galicia, dispón no seu artigo 15.1, relativo á publicidade das subvencións concedidas, que os órganos administrativos concedentes publicarán no Diario Oficial de Galicia as subvencións concedidas con expresión da convocatoria, o programa e o crédito orzamentario a que se imputen, o beneficiario, a contía concedida e a finalidade ou finalidades da subvención.

O artigo 24.6 da Orde da Consellería de Economía, Emprego e Industria do 4 de abril de 2019 (DOG núm. 79, do 25 de abril) pola que se estableceron as bases reguladoras e se procedeu á convocatoria pública das axudas e subvencións para os obradoiros de emprego dirixidos a persoas mozas incluídas no ficheiro do Sistema nacional de garantía xuvenil, no ámbito da Comunidade Autónoma de Galicia para o ano 2019 (código de procedemento TR353B) establece que, as subvencións concedidas se publicarán, con expresión da entidade beneficiaria, a contía e a finalidade, no Diario Oficial de Galicia de acordo co disposto na Lei 9/2007, do 13 de xuño, de subvencións de Galicia, e na Lei 1/2016, do 18 de xaneiro, de transparencia e bo goberno.

A convocatoria tiña como finalidade establecer as bases reguladoras e a convocatoria pública das axudas e subvencións do ano 2019 para o fomento do emprego a través dos programas mixtos de emprego e formación (obradoiros de emprego), dirixidos a mellorar a ocupabilidade, a cualificación e a inserción profesional das persoas mozas incluídas no ficheiro do Sistema nacional de garantía xuvenil, no ámbito da Comunidade Autónoma de Galicia.

O financiamento das axudas previstas na orde de convocatoria efectuouse con cargo aos créditos da aplicación 09.41.322A.460.2 (código de proxecto 2018 00017) e están cofinanciadas nunha porcentaxe do 91,89 % pola Unión Europea a través do Fondo Social Europeo, mediante a Iniciativa de emprego xuvenil, Programa operativo de emprego xuvenil 2014-2020, eixe prioritario 5, prioridade de investimento 8.2, obxectivo específico 8.2.2, medida 8.2.2.5.

En consecuencia,

RESOLVO:

Ordenar a publicación no Diario Oficial de Galicia das subvencións concedidas para os obradoiros de emprego dirixidos a persoas mozas incluídas no ficheiro do Sistema nacional de garantía xuvenil, no ámbito da Comunidade Autónoma de Galicia, ao abeiro da Orde do 4 de abril de 2019 (DOG núm. 79, do 25 de abril), segundo o anexo desta resolución.

Santiago de Compostela, 2 de setembro de 2020

Pablo Casal Espido
Director xeral de Orientación e Promoción Laboral

ANEXO

Expediente	Entidade beneficiaria	CIF	Concedido 2019	Concedido 2020
15/00001/19	Concello de Muros	P1505400J	90.010,64	90.010,64
15/00004/19	Concello do Val do Dubra	P1508900F	90.010,64	90.010,64
15/00005/19	Concello de Fene	P1503600G	90.010,64	90.010,64
15/00006/19	Concello de Boiro	P1501100J	90.010,64	90.010,64
15/00007/19	Concello de Carballo	P1501900C	67.507,98	67.507,98
15/00008/19	Concello de Santiago de Compostela	P1507900G	90.010,64	90.010,64
15/00009/19	Concello de Rois	P1507500E	56.256,65	56.256,65
15/00010/19	Concello de Betanzos	P1500900D	90.010,64	90.010,64
15/00013/19	Concello da Laracha	P1504200E	90.010,64	90.010,64
27/00001/19	Concello de Ribadeo	P2705100B	90.010,64	90.010,64
27/00002/19	Concello de Lugo	P2702800J	90.010,64	90.010,64
32/00001/19	Concello do Barco de Valdeorras	P3201000A	73.133,64	73.133,65
32/00002/19	Mancom. Voluntaria de Concellos da Comarca de Ourense	P3200026G	90.010,64	90.010,64
32/00003/19	Mancomunidade de Municipios da Comarca de Verín	P3200025I	90.010,64	90.010,64
36/00001/19	Concello de Vilagarcía de Arousa	P3606000B	90.010,64	90.010,64
36/00002/19	Concello do Porriño	P3603900F	90.010,64	90.010,64
36/00003/19	Concello de Redondela	P3604500C	90.010,64	90.010,64
36/00004/19	Concello de Cambados	P3600600E	90.010,64	90.010,64
36/00005/19	Concello de Vigo	P3605700H	84.384,97	84.384,98
36/00006/19	Mancomunidade da Área Intermunicipal de Vigo	P8605704I	90.010,64	90.010,64