A Resolución do 31 de decembro de 2019 (Diario Oficial de Galicia núm. 33, do 18 de febreiro de 2020) estableceu as bases reguladoras para a concesión, en réxime de concorrencia competitiva, das axudas para o fortalecemento dos centros de xeración de coñecemento aliñadas cos retos estratéxicos e prioridades identificadas na Estratexia RIS3 de Galicia, cofinanciadas polo Fondo Europeo de Desenvolvemento Rexional (Feder) no marco do programa operativo Feder Galicia 2014-2020 e procedeu á súa convocatoria para o ano 2020.
Os artigos 2, 3 e 4 desta resolución de convocatoria establecen, respectivamente, os requisitos que deben cumprir as entidades beneficiarias, cales son as actividades subvencionables e os requisitos das infraestruturas apoiadas para poder optar ás axudas.
Unha vez revisada a documentación inicial dos expedientes xunto coa documentación presentada tras os requirimentos oportunos, o órgano instrutor remitiu as solicitudes ao Departamento de Xestión da Innovación para a súa avaliación segundo os criterios de valoración establecidos no artigo 18 das bases reguladoras.
A Comisión de Selección prevista no artigo 17 das bases reguladoras, reunida o 23 de xullo de 2020, elaborou unha relación de proxectos por orde decrecente de puntuación e unha proposta de concesión de axudas aos proxectos.
A Comisión de Selección propón axudas que superan o importe da convocatoria coa previsión de que se amplíe o crédito de acordo co disposto no artigo 6 das bases reguladoras tendo en conta a existencia de remanentes procedentes da convocatoria de Unidades Mixtas de Investigación 2020 dos cales xa emitiu informe favorable a Dirección Xeral de Política Financeira, Tesouro e Fondos Comunitarios.
Cómpre sinalar que a existencia dunha maior dispoñibilidade orzamentaria por importe de 254.007,00 € comporta a que o crédito final da convocatoria sexa de 5.254.007,00 €.
Unha vez realizada a instrución do procedemento e á vista da proposta de resolución e do informe emitido pola Comisión de Selección,
RESOLVO:
1. Ampliar o importe total do crédito das axudas establecidas na Resolución do 31 de decembro de 2019 pola que se establecen as bases reguladoras para a concesión, en réxime de concorrencia competitiva, das subvencións para o fortalecemento dos centros de xeración de coñecemento aliñadas cos retos estratéxicos e prioridades establecidas na RIS3 de Galicia, cofinanciadas polo Fondo Europeo de Desenvolvemento Rexional (Feder) no marco do programa operativo Feder Galicia 2014-2020 e se procede á súa convocatoria para o ano 2020 (código de procedemento IN607E). Na táboa seguinte detállase o crédito definitivo:
|
Aplicación orzamentaria |
Ano 2020 (€) |
Ano 2021 (€) |
Total |
|
|
Crédito inicial |
09.A3.561A.781.0 (2016.00001) |
4.000.000,00 |
1.000.000,00 |
5.000.000,00 |
|
Ampliación |
09.A3.561A.781.0 (2016.00001) |
3.342.282,80 |
1.911.724,20 |
5.254.007,00 |
2. Conceder as axudas, respectando a intensidade máxima prevista no artigo 8 das bases reguladoras, ás entidades seleccionadas que figuran no anexo I desta resolución, por orde decrecente de puntuación.
3. Denegar as solicitudes que acadaron unha puntuación inferior a 72 puntos por non dispoñer de crédito necesario para o seu financiamento. Estas solicitudes relaciónanse no anexo II.
4. Desestimar as solicitudes que unha vez avaliadas non acadaron 60 puntos de valoración, que exixe o artigo 18 da convocatoria. Estas solicitudes relaciónanse no anexo II.
Todas as axudas concedidas se imputarán á partida orzamentaria 09.A3.561A.781.0 en que existe crédito adecuado e suficiente nos orzamentos da Comunidade Autónoma de Galicia para o ano 2020.
Estas axudas están cofinanciadas no marco do programa operativo Feder Galicia 2014-2020 dentro dos seguintes parámetros eixe 1: «Potenciar a investigación, o desenvolvemento tecnolóxico e a innovación»; prioridade de investimento 1.1 «A mellora das infraestruturas de investigación e innovación (I+i) e das capacidades para desenvolver a excelencia en materia de I+i, e o fomento dos centros de competencias, en especial os de interese europeo»; obxectivo específico 1.1.2. «Fortalecemento das institucións de I+D e creación, consolidación e mellora das infraestruturas científicas e tecnolóxicas», e actuación 1.1.2.1 «Fortalecemento de centros de xeración de coñecemento».
O pagamento destas axudas realizarase conforme o establecido no artigo 26 da resolución de convocatoria.
Para a xustificación da subvención deberá presentarse a documentación indicada no artigo 25 da convocatoria nos prazos establecidos no punto 2 do citado artigo.
Contra esta resolución, que non esgota a vía administrativa, poderán os interesados interpoñer recurso de alzada perante o presidente da Axencia Galega de Innovación no prazo dun mes, que comezará a contar a partir do día seguinte ao da publicación desta resolución no Diario Oficial de Galicia.
Santiago de Compostela, 9 de setembro de 2020
Patricia Argerey Vilar
Directora da Axencia Galega de Innovación
ANEXO I
Solicitudes concedidas
|
Número de expediente |
Solicitante |
NIF |
Denominación do proxecto de infraestruturas |
Nota valoración |
% Intensidade da axuda |
Feder |
Orzamento subvencionable |
Subvención |
||||
|
2020 |
2021 |
Total |
2020 |
2021 |
Total |
|||||||
|
IN607E 2020/08 |
Fundación Centro Tecnolóxico de Telecomunicación de Galicia (GRADIANT) |
G36997229 |
XOIA-5G-Plataforma experimental de tecnoloxías de comunicacións móbiles avanzadas soportadas por intelixencia artificial |
75 |
50 |
SI |
107.005,11 € |
0,00 € |
107.005,11 € |
53.502,55 € |
0,00 € |
53.502,55 € |
|
IN607E 2020/05 |
Asociación de Investigación Metalúrgica del Noroeste (AIMEN) |
G36606291 |
Fortalecemento da planta piloto de ensaios de corrosión |
75 |
50 |
SI |
17.000,00 € |
172.338,00 € |
189.338,00 € |
8.500,00 € |
86.169,00 € |
94.669,00 € |
|
IN607E 2020/04 |
Fundación Centro Tecnolóxico de Investigación Multisectorial (CETIM) |
G70302427 |
Circular CETIM |
74 |
50 |
SI |
532.134,96 € |
118.551,79 € |
650.686,75 € |
266.067,48 € |
59.275,89 € |
325.343,37 € |
|
IN607E 2020/01 |
Fundación para la Promoción de la Innovación, la Investigación y el Desarrollo Tecnológico de la Industria de la Automoción de Galicia (CTAG) |
G36871424 |
Infraestrutura de investigación, desenvolvemento e validación de novas tecnoloxías disruptivas aplicadas a vehículo autónomo e conectado |
73 |
50 |
SI |
1.798.556,90 € |
683.973,62 € |
2.482.530,52 € |
899.278,45 € |
341.986,81 € |
1.241.265,26 € |
|
IN607E 2020/02 |
Fundación para la Promoción de la Innovación, la Investigación y el Desarrollo Tecnológico de la Industria de la Automoción de Galicia (CTAG) |
G36871424 |
Centro de Desenvolvemento e Validación para o Vehículo Eléctrico |
72 |
47,7337 (*) |
SI |
4.430.698,04 € |
2.983.832,60 € |
7.414.530,64 € |
2.114.934,32 € |
1.424.292,50 € |
3.539.226,82 € |
(*) Intensidade de axuda axustada á dispoñibilidade de crédito.
ANEXO II
Solicitudes denegadas e desestimadas
Solicitudes denegadas:
|
Número de expediente |
Solicitante |
NIF |
Denominación do proxecto de infraestruturas |
Nota |
Causa de denegación |
|
IN607E 2020/06 |
Asociación de Investigación Metalúrgica del Noroeste (AIMEN) |
G36606291 |
Proxecto de fortalecemento das capacidades de procesado de materiais por láser de alta potencia |
71 |
Por non dispoñer de crédito suficiente para o seu financiamento |
|
IN607E 2020/07 |
Asociación de Investigación Metalúrgica del Noroeste (AIMEN) |
G36606291 |
Liña de fabricación por friction stir welding |
68 |
Por non dispoñer de crédito suficiente para o seu financiamento |
Solicitude desestimada:
|
Número de expediente |
Solicitante |
NIF |
Denominación do proxecto de infraestruturas |
Nota |
Motivo |
|
IN607E 2020/03 |
Centro Tecnolóxico do Clúster da Acuicultura (CETGA) |
G36884260 |
Incremento da capacidade tecnolóxica do Centro Tecnolóxico do Clúster da Acuicultura (CETGA) |
46,5 |
Unha vez avaliada non alcanzou os 60 puntos de valoración que exixe o artigo 18 da convocatoria |
