De conformidade co establecido no Decreto 206/2005, do 22 de xullo (DOG nº 145, do 29 de xullo), de provisión de prazas de persoal estatutario do Servizo Galego de Saúde; no Pacto sobre selección de persoal estatutario temporal do Sistema público de saúde de Galicia (DOG nº 123, do 30 de xuño de 2016), e no uso das atribucións conferidas polo Decreto 134/2019, do 10 de outubro, polo que se regulan as áreas sanitarias e os distritos sanitarios do Sistema público de saúde de Galicia (DOG nº 204, do 25 de outubro), a Xerencia da Área Sanitaria de Pontevedra e O Salnés

RESOLVE:

Primeiro. Anunciar a convocatoria para cubrir varios postos de persoal licenciado sanitario facultativo especialista de área que se relacionan no anexo.

Segundo. As retribucións dos postos ofertados serán as que correspondan de acordo coa orde anual pola que se ditan instrucións sobre a confección de nóminas do persoal ao servizo da Administración autonómica.

Terceiro. As solicitudes para participar nesta convocatoria presentaranse, preferentemente, no Rexistro de Entrada da Área Sanitaria de Pontevedra e O Salnés, sito na rúa Loureiro Crespo 2 de Pontevedra, ou a través de calquera dos procedementos do artigo 16 da Lei 39/2015, do 1 de outubro, do procedemento administrativo común das administracións públicas, no prazo de quince (15) días hábiles, contados a partir do día seguinte ao da publicación deste anuncio no Diario Oficial de Galicia.

Cuarto. As bases íntegras da convocatoria estarán expostas nos taboleiros de anuncios da Dirección e na intranet da Área Sanitaria de Pontevedra e O Salnés, así como na páxina web do Servizo Galego de Saúde (www.sergas.es).

Pontevedra, 15 de setembro de 2020

José Ramón Gómez Fernández
Xerente da Área Sanitaria de Pontevedra e O Sálnes

ANEXO

Especialidade	Grupo	Prazas	Centro
Anatomía patolóxica	A1	1 interinidade en praza vacante	Área Sanitaria de Pontevedra e O Salnés
Anxioloxía e cirurxía vascular	A1	2 reservas de praza	Área Sanitaria de Pontevedra e O Salnés
Cirurxía xeral e do aparello dixestivo	A1	3 interinidades en praza vacante	Área Sanitaria de Pontevedra e O Salnés
Endocrinoloxía e nutrición	A1	2 reservas de praza	Área Sanitaria de Pontevedra e O Salnés
Hospitalización a domicilio	A1	1 interinidade en praza vacante	Área Sanitaria de Pontevedra e O Salnés
Medicina interna	A1	2 reservas de praza	Área Sanitaria de Pontevedra e O Salnés
Medicina física e rehabilitación	A1	2 interinidades en praza vacante	Área Sanitaria de Pontevedra e O Salnés
Medicina preventiva e saúde pública	A1	1 interinidade en praza vacante	Área Sanitaria de Pontevedra e O Salnés
Obstetricia e xinecoloxía	A1	1 interinidade en praza vacante	Área Sanitaria de Pontevedra e O Salnés
Psiquiatría	A1	1 interinidade en praza vacante	Área Sanitaria de Pontevedra e O Salnés
Reumatoloxía	A1	2 interinidades en praza vacante	Área Sanitaria de Pontevedra e O Salnés
Uroloxía	A1	3 interinidades en praza vacante	Área Sanitaria de Pontevedra e O Salnés