A Lei 9/2007, do 13 de xuño, de subvencións de Galicia (DOG núm. 121, do 25 de xuño) dispón no seu artigo 15.1, relativo á publicidade das subvencións concedidas, que os órganos administrativos concedentes publicarán no Diario Oficial de Galicia as subvencións concedidas con expresión da convocatoria, o programa e o crédito orzamentario a que se imputen, o beneficiario, a contía concedida e a finalidade ou finalidades da subvención.

Mediante a Orde do 13 de agosto de 2019 (DOG núm. 169, do 6 de setembro) establecéronse as bases reguladoras para o período 2019-2021 e procedeuse á primeira convocatoria das subvencións para o financiamento das accións formativa con compromiso de contratación en unidades formativas das empresas para os exercicios 2019-2020, código de procedemento TR301P.

A dita orde ten por obxecto, no relativo ao procedemento TR301P, establecer as bases reguladoras e as condicións polas que se rexerá, no ámbito da Comunidade Autónoma de Galicia e durante o período 2019-2021, a convocatoria pública das subvencións para o financiamento das accións formativas para o emprego en unidades formativas nas empresas con compromiso de contratación.

Poden ser entidades beneficiarias das subvencións as empresas, calquera que sexa a forma xurídica que adopten, e as agrupacións temporais de empresas que presenten solicitude conxunta, mediante un convenio que acredite a correspondente agrupación.

Non poderán ser entidades beneficiarias destas axudas as administracións públicas, as sociedades públicas, nin as entidades dependentes ou vinculadas a calquera delas.

A concesión das subvencións previstas está sometida ao réxime de concorrencia competitiva nos termos establecidos no artigo 19.1 da Lei 9/2007, do 13 de xuño, de subvencións de Galicia, e no artigo 6.5.b) da Lei 30/2015, do 9 de setembro, pola que se regula o Sistema de formación profesional para o emprego no ámbito laboral.

O financiamento das axudas previstas efectuouse con cargo á aplicación orzamentaria 09.41.323A.471.0, co código de proxecto 2013 00545.

O crédito, desagregado por anualidade, recóllese na seguinte táboa:

Aplicación	Proxecto	Anualidade 2019 (€)	Anualidade 2020 (€)	Importe total
09.41.323A.471.0	2013 00545	1.000.000,00 €	2.000.000,00 €	3.000.000,00 €

O artigo 2.2 da Orde do 13 de agosto de 2019 establece que estes créditos poderán ser obxecto de modificacións como consecuencia da asignación ou da redistribución de fondos para o financiamento dos programas de fomento do emprego, coa limitación que estableza a Conferencia Sectorial de Emprego e Asuntos Laborais.

Así mesmo, o citado artigo dispón que poderá ampliarse a contía máxima dos créditos dispoñibles para a primeira convocatoria. O incremento de crédito estará condicionado á declaración de dispoñibilidade do crédito como consecuencia dunha xeración, ampliación, incorporación de crédito ou da existencia de remanentes doutras convocatorias financiadas con cargo ao mesmo crédito ou créditos incluídos no mesmo programa ou en programas do mesmo servizo.

Mediante a Orde do 9 de decembro de 2019 (DOG núm. 235, do 11 de decembro) publicouse a ampliación de crédito da Orde do 13 de agosto de 2019 pola que se establecían as bases reguladoras para o período 2019-2021 e se procedía á primeira convocatoria das subvencións para o financiamento das accións formativas con compromiso de contratación en unidades formativas das empresas, para os exercicios 2019-2020 (código de procedemento TR301P), e se establecían as bases do Programa de incentivos á actividade laboral vinculada ás accións formativas con compromiso de contratación inmediata para os exercicios 2020-2021 (código de procedemento TR349X).

Como consecuencia, o importe total dos créditos destinados ás axudas que se van conceder ao abeiro da Orde do 13 de agosto de 2019, ampliouse nas seguintes contías e aplicacións orzamentarias, con créditos incorporados procedentes de fondos finalistas da mesma aplicación e proxecto que o crédito inicial.

	Aplicación	Proxecto	Importe
			Ano 2019	Ano 2020	Total
Inicial	09.41.323A.471.0	2013 00545	1.000.000 €	2.000.000,00 €	3.000.000,00 €
Ampliación	09.41.323A.471.0	2013 00545		1.530.746,33 €	1.530.746,33 €
Total	09.41.323A.471.0	2013 00545	1.000.000 €	3.530.746,33 €	4.530.746,33 €

A relación de subvencións concedidas e entidades beneficiarias, ordenadas por código de expediente, publícase como anexo desta resolución.

Santiago de Compostela, 2 de outubro de 2020

Zeltia Lado Lago
Directora xeral de Formación e Colocación

ANEXO

Expediente	CIF/NIF	Entidade beneficiaria	Aplicación orzamentaria	Importe concedido
TR301P-2019/000001-0	A36602837	Peugeot Citroën Automóviles España, S.A.	09.41.323A.4710	1.841.760,00 €
TR301P-2019/000002-0	A32257123	Componentes Aeronáuticos Coasa, S.A.	09.41.323A.4710	73.560,00 €
TR301P-2019/000004-0	B50846807	Benteler Automotive Vigo, S.L.	09.41.323A.4710	196.200,00 €
TR301P-2019/000006-0	J32451338	Newton Consultoría I-Formación	09.41.323A.4710	68.640,00 €
TR301P-2019/000012-0	B74376344	Windar Offshore, S.L.	09.41.323A.4710	36.180,00 €
TR301P-2019/000016-0	B70056957	Exlabesa Extrusión Padrón	09.41.323A.4710	55.803,00 €
TR301P-2019/000021-0	B95087482	Oesia Networks, S.L.	09.41.323A.4710	26.775,00 €
TR301P-2019/000022-0	B36939049	Gri Towers Galicia, S.L.	09.41.323A.4710	72.528,00 €
TR301P-2019/000023-0	B27821305	Lidera Knowledge, S.L.	09.41.323A.4710	135.468,00 €
TR301P-2019/000024-0	F32001976	Cooperativas Orensanas, S. Coop. Ltda.-Coren	09.41.323A.4710	951.615,00 €
TR301P-2019/000025-0	A32226003	Textil Lonia, S.A.	09.41.323A.4710	80.808,00 €
TR301P-2019/000029-0	CFIC005403	Metales y Muebles Especiales, S.L. e outros	09.41.323A.4710	78.120,00 €
TR301P-2019/000032-0	B27737022	Hijos de Carlos Albo, S.L.U.	09.41.323A.4710	24.840,00 €
TR301P-2019/000043-0	B36366391	Celtic Stores, S.L.	09.41.323A.4710	26.832,00 €
TR301P-2019/000045-0	B82374190	Visteon Sistemas Interiores España, S.L.	09.41.323A.4710	93.600,00 €
TR301P-2019/000048-0	A15333958	Egalsa	09.41.323A.4710	12.151,20 €
TR301P-2019/000054-0	B82523648	Leche Celta, S.L.U.	09.41.323A.4710	116.610,00 €