Ao non ser posible a práctica da comunicación a que se refire o número 2 do artigo 22 da Lei 3/2007, do 9 de abril, de prevención e defensa contra os incendios forestais de Galicia, aos titulares das parcelas que se relacionan a seguir, por causas non imputables a esta Administración, de conformidade co disposto no artigo 44 da Lei 39/2015, do 1 de outubro, do procedemento administrativo común das administracións públicas, faise pública a comunicación de xestión da biomasa e retirada de especies árboreas que incumpren as distancias establecidas.
Publícase o presente anuncio no Diario Oficial de Galicia (DOG) para que sirva de notificación á persoa interesada, a cuxo fin se lle comunica que tanto a notificación como o expediente se atopan á súa disposición no Concello de Begonte (Praza Irmáns Souto Montenegro nº 1, 27373 Begonte (Lugo). Igualmente, poderá acceder a través da sede electrónica desta entidade.
O artigo 22.3 da Lei 3/2007, do 9 de abril, de prevención e defensa contra os incendios forestais de Galicia, establece que, cando non se poida determinar a identidade da persoa responsable da xestión da biomasa vexetal e retirada de especies arbóreas prohibidas ou cando resulte infrutuosa a notificación da comunicación, se efectuará mediante un anuncio no Boletín Oficial del Estado (BOE) e no Diario Oficial de Galicia (DOG) dos datos catastrais da parcela.
O artigo 22.4 da Lei 3/2007, do 9 de abril, de prevención e defensa contra os incendios forestais de Galicia, habilita este concello para a execución subsidiaria en caso de incumprimento dos traballos de xestión de biomasa, cuxos custos se repercutirán nas persoas responsables.
O artigo 22.6 da Lei 3/2007, do 9 abril, de prevención e defensa contra os incendios forestais de Galicia, establece a obriga das persoas responsables de facilitar os necesarios accesos ás entidades responsables dos traballos de xestión da biomasa, que non requirirán de ningunha autorización para a execución subsidiaria da xestión da biomasa nas redes de faixas de xestión.
Interesado: hdros. de Dolores Vázquez Flores.
Polígono: 97. Parcela: 55. Ref. catastral: 27007A097000550000GU.
Prazo: quince (15) días.
Begonte, 22 de setembro de 2020
José Ulla Rocha
Alcalde presidente