En sesión que tivo lugar electronicamente o día 15 de outubro de 2020, o tribunal nomeado pola Orde do 31 de maio de 2019 (DOG núm. 107, do 7 de xuño), para cualificar o proceso selectivo para o ingreso no corpo superior da Administración xeral da Comunidade Autónoma de Galicia, subgrupo A1, escala superior de finanzas, convocado pola Orde do 1 de marzo de 2018 (DOG núm. 48, do 8 de marzo), de conformidade co disposto nas bases da convocatoria,
ACORDOU:
Primeiro. Que, de conformidade co disposto na base II.1.1.4 da convocatoria, o cuarto exercicio do proceso selectivo terá lugar os días 16 e 23 de novembro de 2020, no edificio da EGAP, sito na rúa Madrid, 2-4, 15707 Santiago de Compostela.
Segundo. Consonte o disposto na dita base, convócanse para o cuarto exercicio as persoas aspirantes no lugar e hora establecidos de acordo co anexo que se achega.
Terceiro. Os aspirantes deberán ir provistos de DNI ou documento fidedigno acreditativo da súa identidade, ao xuízo do tribunal.
Cuarto. O chamamento dos aspirantes realizarase de acordo co disposto na base II.1.2.1 da convocatoria ás horas sinaladas no anexo.
Quinto. Consonte co sinalado na base II.1.2.5, o chamamento será único, de xeito que as persoas aspirantes que non comparezan serán excluídas.
Sexto. Os exames comezarán ás 9.00 horas, unha vez finalizado o chamamento e desenvolveranse ao longo da mañá, ata aproximadamente as 14.00 horas, continuando a partir do chamamento das 15.15 horas, ata aproximadamente as 21.00 horas. No caso de que o día 16 de novembro non puidesen ser examinadas todas as persoas aspirantes que compareceran, aquelas quedarán convocadas para o día 23 de novembro de 2020 ás 15.15 horas, na aula 1 da EGAP.
Santiago de Compostela, 16 de outubro de 2020
María Sonia Lafont Sendino
Presidenta do tribunal
ANEXO
Convocatoria das persoas aspirantes
– Día 16.11.2020, 8.55 horas. Aula número 1 EGAP.
Quedan convocados os seguintes aspirantes:
Tajes Pérez, José
Álvarez Cuíñas, Alejandra
Asorey Souto, Laura
Fernández Loureiro, David
Figueiras Vázquez, Helena
Iglesias Fernández, Verónica
– Día 16.11.2020, 15.15 horas. Aula número 1 EGAP.
Quedan convocados os seguintes aspirantes:
López Pérez, María Dolores
Mourelle Arnejo, Juan
Mourelle Ferreiro, Juan Carlos
Nodar López, Raquel