A Xunta de Goberno Local do Concello de Cangas, en sesión ordinaria do 17 de agosto de 2020, acordou:

Primeiro. Aprobar inicialmente o convenio urbanístico para a monetización do aproveitamento de cesión sita na rúa Méndez Núñez 45, Cangas, de execución de planeamento para subscribir entre o Concello de Cangas e Velázquez Inmobiliaria, S.L.

Segundo. Que se notifique o acordo de aprobación inicial aos propietarios e titulares de dereitos que consten no Rexistro da Propiedade para efectos de audiencia por un prazo dun mes, debendo achegar os propoñentes do convenio a relación de afectados precisa para cumprir ese trámite.

Asinado o convenio, sométese ao trámite de información pública, por un período dun mes, de conformidade co establecido no artigo 168 da Lei do solo de Galicia, contado a partir do día seguinte á publicación do anuncio no Diario Oficial de Galicia e nun xornal dos de maior difusión da provincia.

Tras a información pública, de non presentarse alegacións, o texto inicial aprobado e o documento administrativo asinado entenderanse definitivos sen necesidade de nova sinatura nin da súa ratificación pola Xunta de Goberno Local, producindo esta aprobación a formalización acordada con plenos efectos xurídicos. Calquera das partes poderá solicitar a elevación do documento administrativo a escritura pública. O texto íntegro do convenio publicarase no Diario Oficial de Galicia e anotarase no Rexistro de Convenios, e remitirase unha copia ao arquivo de convenios, de conformidade co previsto no artigo 403 do Regulamento da Lei do solo de Galicia.

Durante o período de información pública, o expediente estará á disposición do público en xeral na páxina web do Concello de Cangas www.concellodecangas.gal e no Departamento de Urbanismo, das 9.00 ás 13.00 horas, para a súa consulta e a presentación de cantos documentos ou escritos de alegacións coiden convenientes.

Cangas, 21 de agosto de 2020

Xosé Manuel Pazos Varela
Alcalde