No Boletín Oficial da provincia da Coruña núm. 160, do 25 de setembro de 2020, publicáronse integramente as bases que deberán rexer a convocatoria para a cobertura en propiedade dunha praza de persoal funcionario, técnico/a de administración especial, enxeñeiro/a superior do Servizo de Augas.

As instancias para solicitar tomar parte no correspondente proceso selectivo presentaranse na forma prevista nas mencionadas bases, dirixidas ao alcalde presidente da corporación, no prazo de vinte días naturais contados a partir do seguinte ao da publicación do presente anuncio no Boletín Oficial del Estado.

Os sucesivos anuncios relacionados con esta praza publicaranse no Boletín Oficial da provincia da Coruña e no taboleiro de edictos do Concello de Arteixo (A Coruña).

Arteixo, 25 de setembro de 2020

Carlos Calvelo Martínez
Alcalde presidente