Descargar PDF Galego | Castellano| Português

DOG - Xunta de Galicia -

Diario Oficial de Galicia
DOG Núm. 224 Xoves, 5 de novembro de 2020 Páx. 44026

II. Autoridades e persoal

b) Nomeamentos

Vicepresidencia primeira e Consellería de Presidencia, Xustiza e Turismo

RESOLUCIÓN do 27 de outubro de 2020, da Secretaría Xeral para o Deporte, pola que se nomean os membros do Comité Galego de Xustiza Deportiva.

Primeiro. O artigo 91 da Lei 3/2012, do 2 de abril, do deporte de Galicia, configura o Comité Galego de Xustiza Deportiva como órgano administrativo superior da xurisdición deportiva no ámbito territorial da Comunidade Autónoma de Galicia. Está adscrito ao órgano da Administración autonómica competente en materia de deporte, e actúa con independencia funcional deste e da Administración xeral da comunidade autónoma.

Segundo. A composición do Comité Galego de Xustiza Deportiva está regulada tanto no artigo 92 da Lei 3/2012, do 2 de abril, do deporte de Galicia, coma no artigo 4 do Decreto 120/2013, do 24 de xullo, polo que se aproba o Regulamento do Comité Galego de Xustiza Deportiva. De conformidade con estes preceptos, o Comité Galego de Xustiza Deportiva está integrado por unha presidenta ou por un presidente e catro vogais, todos eles licenciados/as en dereito. Designaranse, igualmente, dous suplentes para os supostos de vacantes, enfermidade ou ausencia dos membros titulares ou por calquera outra causa legal.

Terceiro. A competencia para o nomeamento dos membros do Comité Galego de Xustiza Deportiva, titulares e suplentes, esta atribuída no artigo 92 da Lei 3/2012, do 2 de abril, do deporte de Galicia, ao órgano da Administración autonómica competente en materia deportiva.

Cuarto. A duración do mandato dos integrantes do Comité Galego de Xustiza Deportiva será de catro anos. Mediante a Resolución do 31 de agosto de 2016, da Secretaría Xeral para o Deporte (DOG núm. 218, do 15 de novembro), nomeáronse os membros titulares e suplentes do Comité Galego de Xustiza Deportiva.

Deste xeito, finalizado o prazo do seu mandato, cómpre ditar a presente resolución para renovar o nomeamento dos membros do Comité Galego de Xustiza Deportiva.

Por todo o exposto,

RESOLVO:

Primeiro. Nomear como membros titulares do Comité Galego de Xustiza Deportiva a:

María Dolores Rodríguez Rodríguez

Ángel Luis Rebolledo Varela

Domingo Bello Janeiro

Beatriz Seijo Méndez

Carmen José López Rodríguez

Segundo. Nomear como membros suplentes do Comité Galego de Xustiza Deportiva a:

Carlos Bueno Rey

Marta Gándara Moure

Terceiro. Ordenar a publicación desta resolución no Diario Oficial de Galicia.

Contra esta resolución poderase interpoñer potestativamente recurso de reposición no prazo dun mes ou ben directamente recurso contencioso-administrativo ante o Tribunal Superior de Xustiza de Galicia no prazo de dous meses contados desde o día seguinte ao da súa publicación, de conformidade co establecido no artigo 46 da Lei 29/1998, do 13 de xullo, reguladora da xurisdición contencioso-administrativa.

Santiago de Compostela, 27 de outubro de 2020

José Ramón Lete Lasa
Secretario xeral para o Deporte