De conformidade coa proposta da comisión designada para xulgar o concurso de acceso que convocou esta universidade mediante a Resolución do 28 de xullo de 2020 (BOE do 10 de agosto), para a provisión da praza número 20/041, de profesor titular de universidade da área de coñecemento de Matemática Aplicada, Departamento de Matemáticas desta universidade, a favor de Marco Antonio Campo Cabana, con DNI núm. ***7767**, e unha vez que a persoa interesada acreditou os requisitos establecidos na convocatoria.

Esta reitoría, no uso das atribucións que lle confire o artigo 20 da Lei 6/2001, do 21 de decembro, de universidades, e demais disposicións que a desenvolven, resolveu nomear a Marco Antonio Campo Cabana profesor titular de universidade da área de coñecemento de Matemática Aplicada, Departamento de Matemáticas desta universidade.

No prazo máximo de vinte (20) días, contado desde o día seguinte ao da publicación deste nomeamento no Boletín Oficial del Estado, a persoa candidata deberá tomar posesión do seu destino.

Contra esta resolución, que esgota a vía administrativa, poderá interpoñer un recurso contencioso-administrativo no prazo de dous (2) meses, que se contarán desde o día seguinte ao da súa publicación, de conformidade co artigo 46 da Lei 29/1998, do 13 de xullo, reguladora da xurisdición contencioso-administrativa. Previamente, e con carácter potestativo, poderá interpoñer un recurso de reposición, ante esta reitoría, no prazo dun (1) mes, de acordo co establecido nos artigos 123 e 124 da Lei 39/2015, do 1 de outubro, do procedemento administrativo común das administracións públicas (BOE do 2 de outubro).

A Coruña, 16 de novembro de 2020

Julio E. Abalde Alonso
Reitor da Universidade da Coruña