– Obxecto: prestar apoio técnico e administrativo na tramitación das axudas aos investimentos en tecnoloxías forestais, procesamento, mobilización e comercialización de produtos forestais (medida 8.61).
– Natureza e alcance da xestión encomendada: este encargo ten natureza intersubxectiva, ao ter Tragsatec a consideración de medio propio instrumental da Administración, segundo o disposto na disposición adicional vixésimo cuarta da Lei 9/2017, do 8 de novembro, de contratos do sector público.
– Prazo de vixencia: desde o 27 de febreiro de 2020 ata o 31 de xullo de 2021. Este prazo poderá ser prorrogado por acordo expreso das partes ata a finalización dos traballos.
– Orzamento: 152.902,83 €.
– Financiamento: este encargo tramítase con cargo á aplicación orzamentaria 09.A4.741A.640.0 e código de proxecto 2019 00003 do orzamento de gastos da Axencia Galega da Industria Forestal para os exercicios 2020 e 2021.
Santiago de Compostela, 20 de novembro de 2020
José Ignacio Lema Piñeiro
Director da Axencia Galega da Industria Forestal