De conformidade co establecido na base décimo novena da Orde JUS/291/2019, do 4 de marzo (Boletín Oficial del Estado do 15 de marzo), pola que se establecen as bases comúns que rexerán os procesos selectivos para ingreso ou acceso aos corpos de funcionarios ao servizo da Administración de xustiza, e mais na base 8.1.a) da Orde JUS/403/2019, do 21 de marzo (Boletín Oficial del Estado do 8 de abril), pola que se convoca proceso selectivo para ingreso polo sistema xeral de acceso por promoción interna no corpo de xestión procesual e administrativa da Administración de xustiza,

resólvese:

Primeiro. Facer pública a relación das prazas desertas no ámbito territorial de Galicia (anexo I), que se ofrecen aos aspirantes que superaron o proceso selectivo para ingreso polo sistema xeral de acceso por promoción interna no corpo de xestión procesual e administrativa convocado pola Orde JUS/403/2019, do 21 de marzo.

Segundo. As solicitudes de destino dos aspirantes deste ámbito presentaranse na Dirección Xeral de Xustiza, rúa Madrid, 2-4, 15781 Santiago de Compostela, ou polos medios previstos no artigo 16 da Lei 39/2015, do 1 de outubro, do procedemento administrativo común das administracións públicas (Boletín Oficial del Estado do 2 de outubro), no prazo de oito (8) días hábiles contados a partir do día seguinte á publicación da presente resolución no Boletín Oficial del Estado (BOE).

Terceiro. As solicitudes formalizaranse segundo o modelo que aparece como anexo II desta resolución, de acordo coas seguintes instrucións:

– No modelo de instancia poderá relacionarse ata o máximo das prazas ofertadas, e indicarase a descrición da unidade, a función, a localidade e mais a provincia.

– No caso de non lle corresponder ningún dos destinos especificados desta forma por non solicitar un número suficiente de prazas, seguirase a orde de preferencia por provincias que os interesados indiquen no modelo de solicitude.

– Dentro de cada provincia, os destinos serán adxudicados pola seguinte orde:

1. Tribunal Supremo e órganos centrais.

2. Tribunais superiores de xustiza.

3. Audiencias provinciais.

4. Fiscalías.

5. Relacións de postos de traballo da oficina xudicial na capital de provincia onde estea implantada.

6. Institutos de medicina legal.

7. Decanatos e servizos comúns.

8. Xulgados de instrución.

9. Xulgados do penal.

10. Xulgados de vixilancia penitenciaria.

11. Xulgados de violencia sobre a muller.

12. Xulgados de primeira instancia.

13. Xulgados do mercantil.

14. Xulgados do contencioso-administrativo.

15. Xulgados do social.

16. Xulgados de primeira instancia e instrución.

17. Xulgados de menores.

18. Xulgados de paz.

19. Relaciones de postos de traballo da oficina xudicial na localidade onde estea implantada.

Cuarto. Procederase á adxudicación de destinos segundo a orde obtida en todo o proceso selectivo.

Quinto. Ningún aspirante poderá anular nin modificar a súa solicitude unha vez terminado o prazo de presentación das mesmas.

Sexto. De non formular solicitude de prazas ou non lle corresponder ningunha das solicitadas, procederase a destinalo, con carácter forzoso, a calquera das prazas non adxudicadas.

Sétimo. A adxudicación dos destinos farase con carácter forzoso, de acordo coa orde de puntuación obtida nas probas selectivas no ámbito de Galicia.

Oitavo. Os destinos adxudicados terán carácter definitivo equivalente para todos os efectos aos obtidos por concurso, sen que poidan participar neste mentres non transcorran dous anos desde a data da resolución na que se lles adxudique destino definitivo. Para o cómputo dos dous anos atenderase ao establecido no parágrafo segundo do artigo 529.3 da Lei orgánica 6/1985, do 1 de xullo, do poder xudicial.

Contra a presente resolución, que pon fin á vía administrativa, e de conformidade co establecido na Lei reguladora da xurisdición contencioso-administrativa, cabe interpoñer recurso contencioso-administrativo ante a xurisdición competente no prazo de dous (2) meses contados a partir do día seguinte ao da súa publicación no BOE. Iso sen prexuízo da interposición do recurso potestativo de reposición ante o director xeral de Xustiza no prazo dun (1) mes contado a partir do día seguinte ao da antedita publicación, consonte o disposto nos artigos 123 e 124 da Lei 39/2015, do procedemento administrativo común das administracións públicas.

Santiago de Compostela, 17 de novembro de 2020

Juan José Martín Álvarez
Director xeral de Xustiza

Anexo I

Xestión procesual e administrativa. Quenda de promoción interna

Descrición da unidade	Función	Localidade	Provincia	Comunidade Autónoma	Nº de prazas
Xulgado de Primeira Instancia e Instrución número 1	Xestión P. A.	Corcubión	A Coruña	Galicia	1
Xulgado de Primeira Instancia e Instrución número 1	Xestión P. A.	Sarria	Lugo	Galicia	1
Decanato. Servizo Común de Apoio	Xestión P. A.	Lugo	Lugo	Galicia	2
Xulgado de Paz	Xestión P. A. Secretaría	Viana do Bolo	Ourense	Galicia	1
Xulgado de Primeira Instancia e Instrución número 2	Xestión P. A.	O Barco de Valdeorras	Ourense	Galicia	1
Xulgado de Primeira Instancia e Instrución número 1	Xestión P. A.	A Pobra de Trives	Ourense	Galicia	1
Xulgado de Primeira Instancia e Instrución número 1	Xestión P. A.	Cangas	Pontevedra	Galicia	1

ANEXO II

Solicitude de destino para os aspirantes aprobados nas probas selectivas convocadas pola Orde JUS/403/2019, do 21 de marzo (BOE do 8.4.2019), quenda de promoción interna, para ingreso no corpo de xestión procesual e administrativa da Administración de xustiza

Quenda de promoción interna

PRIMEIRO APELIDO: ___________________________________________________________ SEGUNDO APELIDO: ___________________________________________________________ NOME: ____________________________________________ NIF: ______________________
Número de orde en proceso selectivo					Tfno.: _____________________
					Correo e.: __________________
Ámbito territorial no que realizou as probas selectivas:
Destino por orde de preferencia (véxase a convocatoria de prazas)
CENTRO DE TRABALLO
Nº de orde	Descrición da unidade	Función			Localidade	Provincia
1
2
3
4
5
6
7
8
9
10
11
12
13
14
15
16
17
18
19
20
21
Nº de orde	Descrición da unidade	Función			Localidade	Provincia
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48
49
50
51
52
53
54
55
56
57
58
59
60
Nº de orde	Descrición da unidade	Función			Localidade	Provincia
61
62
63
64
65
66
67
68
69
70
71
72
73
74
75
76
77
78
79
80
81
82
83
84
85
86
87
88
89
90
91
92
93
94
95
96
97
98
99
100

Nº de orde	Descrición da unidade	Función	Localidade	Provincia

(Se necesita máis páxinas, faga copias desta).

Provincias por orde de preferencia (véxase a convocatoria de prazas)

1	11	21
2	12	22
3	13	23
4	14	24
5	15	25
6	16	26
7	17	27
8	18	28
9	19	29
10	20	30

O/a solicitante CONSENTE que o centro xestor do proceso de adxudicación de destino acceda ás bases de datos das administracións, con garantía de confidencialidade e para os exclusivos efectos de facilitar a verificación dos datos de identificación persoal, do número de orde obtido na oposición e do ámbito territorial de realización das probas selectivas consignados nesta instancia.

� De non consentir, marque o recadro, en cuxo caso deberá achegar a documentación acreditativa nos termos e prazos previstos nas bases da convocatoria e resto de normativa vixente.

________________________________, ____ de ____________________ de 2020

Dirección Xeral de Xustiza

Subdirección de Persoal

Rúa Madrid, 2-4

15781 Santiago de Compostela