En cumprimento do disposto no artigo 48 da Lei 21/2013, do 9 de decembro, de avaliación ambiental (BOE núm. 296, do 11 de decembro), faise público que de acordo co establecido no artigo 60.1.c) da Lei 7/2012, do 28 de xuño, de montes de Galicia, a Xefatura Territorial da Consellería do Medio Rural da Coruña autorizou, por Resolución do 17 de novembro de 2020, o cambio de actividade forestal a agrícola das parcelas 301, 392 e 397 do polígono 33, do termo municipal de Boqueixón. O proxecto foi sometido previamente a avaliación ambiental simplificada e o informe de impacto ambiental foi emitido con data do 17 de setembro de 2020.

A dita resolución e a documentación complementaria atópanse dispoñibles para a súa consulta na sede electrónica desta Consellería do Medio Rural, á que se pode acceder a través da ligazón seguinte: https://mediorural.xunta.gal/es/recursos/anuncios

A Coruña, 19 de novembro de 2020

Mónica López López
Xefa territorial da Coruña