O Pleno do Concello de Caldas de Reis, en sesión ordinaria do día 29 de outubro de 2020, adoptou o seguinte acordo:

Primeiro. Aprobar, ao abeiro do disposto no artigo 42.5 da Lei 2/2016, do 10 de febreiro, do solo de Galicia, e en similares termos ca o previsto no artigo 65.7 do seu regulamento de desenvolvemento (Real decreto 143/2016, do 22 de setembro), o cambio de uso dun equipamento educativo a espazo libre público E055 no Cope (Carracedo), de setembro 2020, con base no informe técnico elaborado polo arquitecto Antonio Iglesias Álvaro-Gracia.

Segundo. Modificar a inscrición do ben que consta no Inventario municipal de bens.

Terceiro. Publicar o anuncio do acordo do cambio de uso no BOP de Pontevedra e no DOG para os efectos oportunos.

Cuarto. Remitir o presente acordo, xunto cunha copia autenticada do expediente electrónico, debidamente foliado, autenticado e dilixenciado (artigo 26 da LPACAP en relación co artigo 70 do devandito corpo legal), á Dirección Xeral da Consellería de Medio Ambiente, Territorio e Vivenda da Xunta de Galicia, para o seu coñecemento e para os efectos da súa inscrición no Rexistro de Planeamento Urbanístico de Galicia, consonte o previsto no artigo 88 da LSG e no artigo 209.2.b) do RLSG. Así mesmo, comunicarase ao Catastro e ao Rexistro da Propiedade.

Caldas de Reis, 25 de novembro de 2020

Juan Manuel Rey Rey
Alcalde presidente