O Pleno municipal de Arzúa, na sesión ordinaria do 27.8.2020, aprobou inicialmente, nos termos que constan no expediente, o proxecto da modificación puntual do PXOM no núcleo da Igrexa-San Salvador, conforme a documentación elaborada polo Estudio Técnico Gallego en abril de 2018.

Ábrese o prazo de información pública durante dous meses, a partir do día seguinte ao da publicación do anuncio no Diario Oficial de Galicia para que se presenten as alegacións que se consideren pertinentes. Así mesmo, estará á disposición dos interesados o expediente no taboleiro de anuncios da sede electrónica deste concello e tamén nas dependencias da Secretaria.

Coa aprobacion inicial suspéndense os procedementos de outorgamento de licenzas para os ámbitos afectados, cunha duración máxima de dous anos contados desde a aprobación inicial polo Pleno, suspensión que se extinguirá en calquera caso coa aprobación definitiva. Mentres dure a suspensión de licenzas poderán autorizarse usos e obras provisionais nos termos do artigo 89 da Lei do solo de Galicia.

Arzúa, 27 de novembro de 2020

José Luis García López
Alcalde