De conformidade coa proposta da comisión designada para xulgar o concurso de acceso convocado por esta universidade mediante a Resolución do 8 de setembro de 2020 (BOE do 18 de setembro), para a provisión da praza número 20/042, de catedrática de universidade da área de coñecemento de Filoloxía Inglesa, Departamento de Letras desta universidade, a favor de María Begoña Crespo García, con DNI número ***5555**, e unha vez que a persoa interesada acreditou os requisitos establecidos na convocatoria.
Esta reitoría, no uso das atribucións que lle confire o artigo 20 da Lei 6/2001, do 21 de decembro, de universidades, e demais disposicións que a desenvolven, resolveu nomear a María Begoña Crespo García catedrática de universidade da área de coñecemento de Filoloxía Inglesa, Departamento de Letras desta universidade.
No prazo máximo de vinte días, contado desde o día seguinte ao da publicación deste nomeamento no Boletín Oficial del Estado, a persoa candidata deberá tomar posesión do seu destino.
Contra esta resolución, que esgota a vía administrativa, poderá interpoñer recurso contencioso-administrativo no prazo de dous meses, que se contarán desde o día seguinte ao da súa publicación, de conformidade co artigo 46 da Lei 29/1998, do 13 de xullo, reguladora da xurisdición contencioso-administrativa. Previamente, e con carácter potestativo, poderá interpoñer recurso de reposición, ante esta reitoría, no prazo dun mes, de acordo co establecido nos artigos 123 e 124 da Lei 39/2015, do 1 de outubro, do procedemento administrativo común das administracións públicas (BOE do 2 de outubro).
A Coruña, 21 de decembro de 2020
Julio E. Abalde Alonso
Reitor da Universidade da Coruña