Aprobada inicialmente polo Pleno da Corporación en sesión ordinaria celebrada o día 16 de decembro de 2020 a modificación puntual do Plan xeral de Brión no ámbito do solo urbano cualificado baixo as ordenanzas UC1 e UC2 nos termos que constan no expediente, segundo o proxecto redactado polo arquitecto Francisco Javier Amenedo Ansede, ábrese un período de información pública durante un mes, ao abeiro do disposto no artigo 18 da Lei 1/2019, do 22 de abril, de rehabilitación e de rexeneración e renovación urbanas de Galicia, mediante anuncio no taboleiro de edictos do concello, no Diario Oficial de Galicia e, ademais, nun dos xornais de maior difusión na provincia da Coruña.
Durante o devandito período quedará o expediente, con todos os documentos que integran o Plan xeral, á disposición de calquera que queira examinalo para que se presenten as alegacións que se consideren pertinentes. Así mesmo, estará dispoñible na sede electrónica deste concello, no enderezo: www.concellodebrion.gal.
Suspéndese o outorgamento de licenzas naqueles ámbitos do territorio obxecto do plan cuxas novas determinacións supoñan a modificación da ordenación urbanística vixente.
A duración da suspensión é de dous anos contados desde a aprobación inicial, e extínguense, en todo caso, coa aprobación definitiva da modificación do plan.
Brión, 21 de decembro de 2020
Pablo Lago Sanmartín
Alcalde