De conformidade co artigo 8 da Lei 19/2013, do 9 de decembro, de transparencia, acceso á información pública e bo goberno, dáse publicidade ás seguintes encomendas coas seguintes características:
1. Resolución do 2 de decembro de 2020, da Consellería do Mar, pola que se lle encarga ao medio propio Empresa Pública de Servizos Agrarios, S.A. (Seaga), a realización dos traballos de retirada, almacenamento e xestión de residuos procedentes da inspección e vixilancia pesqueira realizada pola Subdirección Xeral de Gardacostas de Galicia para o ano 2021.
– Actividade: realización dos traballos relativos ao proxecto de conservación e restauración da biodiversidade e dos ecosistemas mariños no marco de actividades marisqueiras.
– Natureza e alcance da xestión encomendada: encomenda de xestión a medios propios ao ter a Empresa Pública de Servizos Agrarios, S.A. (Seaga) a consideración de medio propio instrumental e de servizo técnico da Administración xeral da Comunidade Autónoma de Galicia, en cumprimento do establecido nos artigos 10 e 47 e seguintes da Lei 16/2010, do 17 de decembro, de organización e funcionamento da Administración xeral e do sector público autonómico de Galicia.
– Prazo de vixencia: desde o 1 de xaneiro de 2021 ata o 31 de decembro de 2021.
– Financiamento: tramitouse como expediente anticipado de gasto con cargo aos orzamentos da Comunidade Autónoma de Galicia para o ano 2021, aplicación orzamentaria 15.01.541C.604.1, con código de proxecto 2011 00867.
2. Resolución do 4 de decembro de 2020, da Consellería do Mar, pola que se lle encarga ao medio propio Empresa Pública de Servizos Agrarios, S.A. (Seaga) a realización dos traballos correspondentes ao proxecto de conservación e restauración da biodiversidade e dos ecosistemas mariños no marco de actividades marisqueiras sustentables para o período 2021-2022.
– Actividade: realización dos traballos relativos ao proxecto de conservación e restauración da biodiversidade e dos ecosistemas mariños no marco de actividades marisqueiras sustentables para o período 2021-2022.
– Natureza e alcance da xestión encomendada: encomenda de xestión a medios propios ao ter a Empresa Pública de Servizos Agrarios, S.A. (Seaga) a consideración de medio propio instrumental e de servizo técnico da Administración xeral da Comunidade Autónoma de Galicia, en cumprimento do establecido nos artigos 10 e 47 e seguintes da Lei 16/2010, do 17 de decembro, de organización e funcionamento da Administración xeral e do sector público autonómico de Galicia.
– Prazo de vixencia: desde o 1 de xaneiro de 2021 ata o 31 de decembro de 2022.
– Financiamento: tramitouse como expediente anticipado de gasto con cargo aos orzamentos da Comunidade Autónoma de Galicia para os anos 2021 e 2022, aplicación orzamentaria 15.03.723A.604.2, con código de proxecto 2016 00255.
3. Resolución do 4 de decembro de 2020, da Consellería do Mar, pola que se lle encarga ao medio propio Empresa Pública de Servizos Agrarios, S.A. (Seaga) a realización dos traballos de reinstalación na ría de Ferrol, dos moluscos bivalvos procedentes de zonas de produción declaradas como clase C no litoral norte da Comunidade Autónoma de Galicia durante os anos 2021 e 2022.
– Actividade: executar os traballos para a reinstalación na ría de Ferrol, dos moluscos bivalvos procedentes de zonas de produción declaradas como clase C no litoral norte da Comunidade Autónoma de Galicia durante os anos 2020 e 2021.
– Natureza e alcance da xestión encomendada: encomenda de xestión a medios propios ao ter a Empresa Pública de Servizos Agrarios, S.A. (Seaga) a consideración de medio propio instrumental e de servizo técnico da Administración xeral da Comunidade Autónoma de Galicia, en cumprimento do establecido nos artigos 10 e 47 e seguintes da Lei 16/2010, do 17 de decembro, de organización e funcionamento da Administración xeral e do sector público autonómico de Galicia.
– Prazo de vixencia: desde o 1 de xaneiro de 2021 ata o 30 de xuño do ano 2022.
– Financiamento: tramitouse como expediente anticipado de gasto con cargo aos orzamentos da Comunidade Autónoma de Galicia para os anos 2021 e 2022, aplicación orzamentaria 15.03.723A.604.2, con código de proxecto 2016 00255.
Santiago de Compostela, 8 de xaneiro de 2021
Silvia Cortiñas Fernández
Secretaria xeral técnica da Consellería do Mar