Advertidos erros na referida resolución, publicada no Diario Oficial de Galicia núm. 4, do 8 de xaneiro de 2021, procede facer as seguintes correccións:

– Na páxina 557, no artigo 5.1.a), onde di:

«a) Obra civil para construción, reforma ou habilitación de instalacións, suxeitos aos módulos máximos que se achegan como anexo IV, levadas a cabo en instalacións ou terreos propiedade do solicitante ou sobre os cales teña un dereito de uso e gozo que permita a realización de obras irrevogable durante 5 anos contados desde a data de finalización do prazo de execución do proxecto. No caso de que o acordo ou contrato que confire ese dereito sexa oneroso, só poderá formalizarse con entidades non vinculadas ao solicitante».

Debe dicir:

«a) Obra civil para construción, reforma ou habilitación de instalacións, suxeitos aos módulos máximos que se achegan como anexo IV, levadas a cabo en instalacións ou terreos propiedade do solicitante ou sobre os cales teña un dereito de uso e gozo que permita a realización de obras irrevogable durante 5 anos contados desde a data de finalización do prazo de execución do proxecto».

– Na páxina 558, no artigo 5.1.g), onde di:

«g) Gastos de alugueiro de locais. Non poderán imputarse custos por este concepto no caso de que a actividade se desenvolva na vivenda da persoa emprendedora».

Debe dicir:

«g) Gastos de alugueiro de locais. Non poderán imputarse custos por este concepto no caso de que a actividade se desenvolva na vivenda da persoa emprendedora e no caso de que o contrato se formalice con persoas ou entidades vinculadas co solicitante».

– Na páxina 565, no artigo 8.1.a), no penúltimo parágrafo, onde di:

«– No caso de que se solicite a aplicación dos criterios c), f) e i) do artigo 6.2 destas bases reguladoras na valoración da solicitude, acreditación documental segundo corresponda do cumprimento das condicións requiridas».

Debe dicir:

«– No caso de que se solicite a aplicación dos criterios c), f) e h) do artigo 6.2 destas bases reguladoras na valoración da solicitude, acreditación documental segundo corresponda do cumprimento das condicións requiridas».

– Na páxina 590, no anexo IV de Criterios de módulos de custos subvencionables máximos, onde di:

«(...)

– Sector do turismo: modernización, rehabilitación ou reforma.

(...».

Debe dicir:

«(...)

– Sector do turismo: construción, modernización, rehabilitación ou reforma.

(...».