Unha vez rematado o proceso selectivo para o ingreso no corpo superior de Administración xeral da Comunidade Autónoma de Galicia, subgrupo A1, escala de letrados, convocado pola Orde do 22 de abril de 2019 (DOG núm. 80, do 26 de abril), e segundo a base IV.6 da convocatoria, esta consellería, de conformidade co disposto na Lei 2/2015, do 29 de abril, do emprego público de Galicia, e demais normas concordantes,
RESOLVE:
Primeiro. Nomear persoal funcionario de carreira do corpo superior de Administración xeral da Comunidade Autónoma de Galicia, subgrupo A1, escala de letrados, a persoa aspirante aprobada que se relaciona no anexo desta resolución, e adxudicarlle como destino provisional o que figura no mesmo anexo.
Para adquirir a condición de persoal funcionario de carreira, a persoa a que se refire o anexo desta resolución deberá cumprir os requisitos exixidos no artigo 60 da Lei 2/2015, do 29 de abril, e tomar posesión do correspondente posto de traballo no prazo dun mes, que comezará a computarse a partir do día seguinte ao da publicación desta resolución no Diario Oficial de Galicia.
Segundo. Contra esta resolución, que pon fin á vía administrativa, poderase interpoñer, con carácter potestativo, recurso de reposición ante o conselleiro de Facenda e Administración Pública no prazo dun mes contado desde o día seguinte ao da súa publicación, ou directamente recurso contencioso-administrativo, no prazo de dous meses contados desde esa mesma data, ante a Sala do Contencioso-Administrativo do Tribunal Superior de Xustiza de Galicia, conforme o disposto na Lei 29/1998, do 13 de xullo, reguladora da xurisdición contencioso-administrativa.
Santiago de Compostela, 10 de febreiro de 2021
O conselleiro de Facenda e Administración Pública
P.D. (Orde do 8.1.2020; DOG núm. 16, do 24 de xaneiro)
José María Barreiro Díaz
Director xeral da Función Pública
ANEXO
Corpo superior de Administración xeral da Comunidade Autónoma de Galicia, subgrupo A1, escala de letrados
|
Nº |
DNI |
Apelidos e nome |
Destino |
Código do posto |
Denominación |
Cons. |
Centro directivo |
Centro destino |
Concello |
Subgrupo |
Nivel |
|
1 |
***8160** |
Pigni Giraudo, Agustín |
Provisional |
SAS994000132001002 |
Letrado/a |
SA |
Xerencia de Xestión Integrada de Ourense, Verín e O Barco de Valdeorras-Asesoría Xurídica |
Servizo Galego de Saúde (Servizos Periféricos) |
Ourense |
A1 |
28 |
