Eu, María Isabel Freire Corzo, letrada da Administración de xustiza da Sala do Social do Tribunal Superior de Xustiza de Galicia, fago saber que no procedemento de recurso de suplicación 3911/2020 seguido por instancia de José Luis González Pérez contra Francisca Bermúdez Crespo, Francisco Javier Luengo Alonso e Ecoforest Xinzo, S.L. sobre resolución de contrato, se ditou a seguinte resolución:

Decidimos: desestimando o recurso de suplicación interposto por José Luis González Pérez contra a Sentenza do 9 de marzo de 2020 do Xulgado do Social número 1 de Lugo, ditada en xuízo seguido por instancia do recorrente contra a Entidade Mercantil Ecoforest Xinzo Sociedade Limitada, Francisca Bermúdez Castro e Francisco Javier Luengo Alonso, a sala confírmaa integramente.

Notifíquese esta resolución ás partes e á Fiscalía do Tribunal Superior de Xustiza de Galicia.

Modo de impugnación: faise saber ás partes que contra esta sentenza cabe interpoñer recurso de casación para unificación de doutrina que se debe preparar mediante escrito presentado perante esta sala dentro do improrrogable prazo de dez días hábiles inmediatos seguintes á data de notificación da sentenza. Se o recorrente non tivese a condición de traballador ou beneficiario do réxime público de Seguridade Social deberá efectuar:

– O depósito de 600 € na conta de 16 díxitos desta sala, aberta no Banco de Santander (Banesto) co nº 1552 0000 37 seguida de catro díxitos correspondentes ao nº do recurso e dous díxitos do ano do mesmo.

– Así mesmo, se hai cantidade de condena deberá consignala na mesma conta, pero co código 80 no canto do 37 ou ben presentar aval bancario solidario en forma.

– Se o ingreso se fai mediante transferencia bancaria desde unha conta aberta en calquera entidade bancaria distinta, haberá que emitila á conta de vinte díxitos 0049 3569 92 0005001274 e facer constar no campo “Observacións ou Concepto da transferencia” os 16 díxitos que corresponden ao procedemento (1552 0000 80 ou 37 **** ++).

E para que sirva de notificación en legal forma a Ecoforest Xinzo, S.L. actualmente en ignorado paradoiro, expido o presente edicto para a súa inserción no DOG e advírtese ao destinatario de que as seguintes comunicacións se farán fixando copia da resolución ou da cédula no taboleiro de anuncios da oficina xudicial, salvo o suposto da comunicación das resolucións que deban revestir forma de auto ou sentenza, ou cando se trate de emprazamento.

A Coruña, 26 de xaneiro de 2021

A letrada da Administración de xustiza