O servizo de Coordinación Cultural de Pontevedra ditou o 11.12.2020 resolución no procedemento de autorización de reparación de cuberta dunha vivenda, expediente 730/2020. Tentada a notificación persoal desta resolución, non foi posible a súa práctica.
Por este anuncio, e segundo dispoñen os artigos 44 e 46 da Lei 39/2015, do 1 de outubro, do procedemento administrativo común das administracións públicas, emprázase á persoa interesada que se indica no anexo para ser notificada por comparecencia dos actos cuxo contido se indica. A comparecencia que poderán realizar deberá efectuarse no prazo de dez días hábiles, contados desde o seguinte ao da publicación deste anuncio no taboleiro de edictos único (TEU) do Boletín Oficial del Estado (BOE), na sede da Xefatura Territorial de Pontevedra da Consellería de Cultura, Educación e Universidade, no Edificio Administrativo da Xunta de Galicia, 6º andar, das 9.00 ás 14.00 horas, de luns a venres, en Pontevedra.
A eficacia desta notificación queda supeditada á súa publicación TEU devandito. Transcorrido o prazo sinalado sen efectuarse a comparecencia, a notificación entenderase producida desde o día seguinte ao do vencemento do prazo.
O que se notifica á persoa titular do establecemento referido no dito anexo, para que no prazo de 15 días poida efectuar as alegacións que coide pertinentes, para o cal poderá examinar o expediente e obter copias dos documentos contidos nel na Xefatura Territorial de Pontevedra da Consellería de Cultura, Educación e Universidade de Pontevedra.
Comunicáselle que contra a resolución, que non é definitiva na vía administrativa, cabe recurso de alzada ante o conselleiro de Cultura, Educación e Universidade, no prazo dun mes contado desde o día seguinte ao da publicación deste anuncio no BOE.
Pontevedra, 12 de febreiro de 2021
A directora xeral de Patrimonio Cultural
P.D. (Resolución do 2.12.2020)
María José Echevarría Moreno
Xefa do Servizo de Coordinación Cultural
ANEXO
Procedemento: autorización patrimonio.
DNI: 35975555J.
Acto notificado: resolución do expediente 2730/2020.
