En sesión que tivo lugar o 10 de marzo de 2021, o tribunal nomeado pola Orde do 12 de xullo de 2019 (DOG núm. 137, do 19 de xullo) para cualificar o proceso selectivo para o ingreso no corpo facultativo superior de Administración especial da Administración xeral da Xunta de Galicia, subgrupo A1, escala de enxeñeiros, especialidade de enxeñaría de camiños, canais e portos, convocado pola Orde do 1 de marzo de 2018 (DOG núm. 47, do 7 de marzo), de conformidade co disposto nas bases da convocatoria, adoptou os seguintes acordos:

Primeiro. Publicar, como anexo a esta resolución, a relación de aspirantes que superaron o proceso selectivo, por quenda e orde de puntuacións obtidas, e con indicación do seu documento nacional de identidade.

De conformidade co establecido na base IV.2 da orde de convocatoria e na Lei 39/2015, do 1 de outubro, do procedemento administrativo común das administracións públicas, as persoas aspirantes dispoñen dun prazo de vinte (20) días hábiles, contados a partir do seguinte ao da publicación no Diario Oficial de Galicia desta resolución, para presentaren a documentación prevista na dita base.

Segundo. Elevar a dita relación ao titular da Dirección Xeral da Función Pública para que elabore a proposta de nomeamento como persoal funcionario de carreira das persoas aspirantes que figuran nela.

Terceiro. De conformidade co disposto na base III.13 da convocatoria, contra esta resolución do tribunal poderase interpoñer recurso de alzada, ante o conselleiro competente en materia de función pública, nos termos previstos nos artigos 121 e 122 da Lei 39/2015, do 1 de outubro, do procedemento administrativo común das administracións públicas.

Santiago de Compostela, 10 de marzo de 2021

Francisco Rosendo Alonso Fernández
Presidente do tribunal

ANEXO

Proceso selectivo para o ingreso no corpo facultativo superior de Administración especial da Administración xeral da Comunidade Autónoma de Galicia, subgrupo A1, escala de enxeñeiros, especialidade enxeñaría de camiños, canais e portos, convocado pola Orde do 1 de marzo de 2018

Orde	DNI	Apelidos e nome	Quenda	1º exercicio	2º exercicio	3º exercicio	4º exercicio	Total
1	***1557**	Gómez Piñeiro, Isaac	PI	30,050	26,470	13,230	Exento	69,750
2	***3218**	Naya Belio, Laura	AL	29,830	22,250	15,880	Exenta	67,960
3	***8548**	González Martínez, Iván	AL	28,020	20,840	14,150	Exento	63,010
4	***2568**	Álvarez Diñeiro, David	AL	27,570	20,000	13,930	Exento	61,500
5	***8908**	Cernadas Soto, Jesús Javier	AL	28,360	21,400	10,350	Exento	60,110
6	***0062**	Vila Vilariño, María Isabel	AL	27,000	20,840	11,850	Exenta	59,690
7	***8006**	Martínez Alfonsín, Leticia	AL	26,770	21,690	10,200	Exenta	58,660
8	***6463**	Fernández Añón, Roi	AL	20,110	25,630	10,000	Exento	55,740
9	***4793**	López Muíña, Sergio	AL	22,370	20,840	10,480	Exento	53,690