A Orde do 19 de outubro de 2020 pola que se convocan os premios extraordinarios nas ensinanzas artísticas profesionais nas modalidades de Música, de Danza e de Artes Plásticas e Deseño na Comunidade Autónoma de Galicia, correspondentes ao curso 2019/20, establece no seu artigo 14.3 que o titular da Secretaría Xeral de Educación e Formación Profesional elevará a proposta feita polo xurado de selección ao conselleiro de Cultura, Educación e Universidade, que emitirá a correspondente resolución de adxudicación para a súa publicación no Diario Oficial de Galicia.
O día 5 de marzo de 2021 publicáronse no Diario Oficial de Galicia e no portal educativo https://www.edu.xunta.gal as puntuacións provisionais obtidas polos candidatos e candidatas. Elaborada polo xurado de selección dos premios extraordinarios a proposta definitiva de adxudicación, e elevada polo secretario xeral de Educación e Formación Profesional,
RESOLVO:
Primeiro. Adxudicar os premios extraordinarios nas ensinanzas artísticas profesionais nas modalidades de Música, de Danza e de Artes Plásticas e Deseño na Comunidade Autónoma de Galicia, correspondentes ao curso 2019/20, ao alumnado que figura no anexo desta resolución.
Segundo. Esta resolución de adxudicación dos premios poderá ser impugnada mediante recurso potestativo de reposición ante o conselleiro de Cultura, Educación e Universidade no prazo dun mes, a partir do día seguinte ao da data de publicación no Diario Oficial de Galicia, segundo o disposto nos artigos 123 e 124 da Lei 39/2015, do 1 de outubro, do procedemento administrativo común das administracións públicas, ou ben directamente mediante recurso contencioso-administrativo ante a Sala do Contencioso-Administrativo do Tribunal Superior de Xustiza de Galicia, no prazo de dous meses desde tal publicación, segundo prevé o artigo 46 da Lei 29/1998, do 13 de xullo, reguladora da xurisdición contencioso-administrativa.
Santiago de Compostela, 14 de abril de 2021
José Luis Mira Lema
Secretario de Educación e Formación Profesional
ANEXO
Premios extraordinarios nas modalidades de Música, de Danza e de Artes Plásticas e Deseño na Comunidade Autónoma de Galicia, correspondentes ao curso 2019/20
Modalidade de Música.
Apelidos e nome |
Centro |
Especialidade |
DNI |
Importe |
Guimarey Touriño, Iván |
Conservatorio Profesional de Música Manuel Quiroga (Pontevedra) |
Tuba |
***2901** |
850 € |
Molina Touza, Ana |
Conservatorio Profesional de Música da Coruña |
Violín |
***0261** |
850 € |
Ruibal Seoane, Iván |
Conservatorio Profesional de Música Manuel Quiroga (Pontevedra) |
Piano |
***6559** |
850 € |
Modalidade de Artes Plásticas e Deseño.
Apelidos e nome |
Centro |
Especialidade |
DNI |
Importe |
Alján Alves, Elba |
Escola de Arte e Superior de Deseño Pablo Picasso (A Coruña) |
Ilustración |
***0399** |
850 € |
Martínez do Reis, Nicolás |
Centro Autorizado de Artes Plásticas e Deseño Aula D (Vigo) |
Proxecto e dirección de obras de decoración |
***7848** |
850 € |