Na sesión celebrada pola Xunta de Goberno Local o día 8 de marzo de 2021 adoptouse, entre outros, o seguinte acordo:
Aprobar as bases reguladoras do proceso de selección para a cobertura por promoción interna de dúas (2) prazas de oficial de policía local do Concello de Lalín: grupo C1, praza oficial policía, escala AE, subescala servizos especiais, clase policía local, natureza xurídica funcionario de carreira, mediante concurso-oposición.
As presentes bases publicáronse no Boletín Oficial da provincia de Pontevedra (BOPPO) número 62, do 5 de abril, e publicarase, así mesmo, un anuncio delas no DOG e no BOE.
As instancias, polas que se solicita tomar parte no proceso selectivo, dirixiranse ao alcalde e presentaranse no Rexistro Xeral do Concello de Lalín debidamente cubertas, durante o prazo de vinte días hábiles, contados desde o seguinte ao da publicación do anuncio da convocatoria no BOE. Poderán, así mesmo, remitirse na forma determinada na Lei 39/2015, do 1 de outubro, do procedemento administrativo común das administracións públicas.
Lalín, 7 de abril de 2021
O alcalde
P.D. (Resolución da Alcaldía, BOPPO número 162, do 24.8.2020)
Eva Montoto Méndez
Concelleira delegada de Seguridade Cidadá