Convocada pola Resolución LD-02/2021, do 28 de xaneiro (DOG nº 44, do 5 de marzo), a provisión de dous (2) postos de supervisor/a de área funcional (Atención Continuada), polo sistema de libre designación, esta Xerencia de Área Sanitaria, de conformidade co establecido no Decreto 206/2005, do 22 de xullo, de provisión de prazas de persoal estatutario do Servizo Galego de Saúde, así como na Orde do 24 de maio de 2006, pola que se establecen as bases do procedemento para a provisión dos postos de xefatura e coordinación das institucións sanitarias do Servizo Galego de Saúde, en virtude das competencias atribuídas polo Decreto 137/2019, do 10 de outubro (DOG nº 208, do 31 de outubro), polo que se establece a estrutura orgánica do Servizo Galego de Saúde; Decreto 134/2019, do 10 de outubro (DOG nº 204, do 25 de outubro), polo que se regulan as áreas sanitarias e os distritos sanitarios do Sistema público de saúde de Galicia, e a Orde do 22 de abril de 2020 (DOG nº 82, do 29 de abril), sobre delegación de competencias en órganos centrais e periféricos da Consellería de Sanidade e do Servizo Galego de Saúde,

DISPÓN:

Primeiro. Resolver a convocatoria pública para a provisión de dous (2) postos de supervisor/a de área funcional (Atención Continuada), realizada mediante a Resolución LD-02/2021, do 28 de xaneiro (DOG nº 44, do 5 de marzo).

Segundo. Nomear, para os postos que se indican, as persoas relacionadas no anexo á presente resolución.

Terceiro. De conformidade coa base décima da convocatoria, a persoa nomeada será avaliada, antes de que transcorran catro anos desde o seu nomeamento, para os efectos de prorrogar o desempeño da xefatura, por idéntico período de tempo, ou proceder á súa remoción.

Cuarto. O réxime de cesamento na praza de orixe e de toma de posesión da praza adxudicada será o establecido no artigo 27 da Orde do 24 de maio de 2006 (DOG nº 106, do 5 de xuño), pola que se establecen as bases do procedemento para a provisión dos postos de xefatura e coordinación das institucións sanitarias do Servizo Galego de Saúde.

Contra a presente resolución poderá interpoñerse, nos termos previstos na Lei 39/2015, do 1 de outubro, do procedemento administrativo común das administracións públicas, recurso de alzada perante a Dirección Xeral de Recursos Humanos do Servizo Galego de Saúde, no prazo dun mes contado desde o día seguinte ao da súa publicación.

Ferrol, 23 de abril de 2021

Ángel José Facio Villanueva
Xerente da Área Sanitaria de Ferrol

ANEXO I

1. Posto de traballo: supervisor/a de área funcional (Atención Continuada).

Nome e apelidos: Yolanda Anca Urbano.

DNI: ***5973**.

2. Posto de traballo: supervisor/a de área funcional (Atención Continuada).

Nome e apelidos: Azucena Durán Diéguez.

DNI: ***8868** .