Eu, Rosana Corral García, letrada da Administración de xustiza do Xulgado do Social número 4 da Coruña, dou fe e certifico que neste xulgado se seguen autos número 427/2020 e 633/2020 acumulados por instancia de Alejandro Ramiro Varela López contra Protección y Seguridad Técnica, S.A. e outros sobre DSP, nos cales se pronunciou sentenza o 15 de abril de 2021 que, copiada nos particulares necesarios, di así:
«Decido
Estimar parcialmente a demanda formulada por Alejandro Ramiro Varela López contra as empresas Protección y Seguridad Técnica, S.A., Celsa Atlantic, S.A., Policronia AF, S.L., Bilur, S.L., Bilur 2000, S.L., con intervención do Fondo de Garantía Salarial e do Ministerio Fiscal e, en consecuencia:
– Declárase improcedente o despedimento do traballador Alejandro Ramiro Varela López producido o 20 de xullo de 2020.
– Absólvense as empresas Protección y Seguridad Técnica, S.A., Celsa Atlantic, S.A., Policronia AF, S.L. e Bilur, S.L., das pretensións contra elas dirixidas.
– Condénase a empresa Bilur 2000, S.L. a que no prazo de cinco días desde a notificación da sentenza opte entre a readmisión do demandante ou o aboamento dunha indemnización de 8.215,02 euros, aboamento que determinará a extinción do contrato de traballo; no caso de optar pola readmisión, deberá aboar os salarios de tramitación a razón de 41,49 euros diarios.
Notifíquese a presente resolución ás partes.
Contra esta resolución cabe recurso de suplicación ante o Tribunal Superior de Xustiza de Galicia, o cal deberá anunciarse neste xulgado no prazo dos cinco días seguintes á notificación desta resolución, para o cal basta a manifestación da parte ou do seu avogado ou representante dentro do indicado prazo.
Se o recorrente non goza do beneficio de xustiza gratuíta, deberá, ao tempo de anunciar o recurso, consignar a cantidade obxecto de condena, así como o depósito de 150,25 euros na conta de depósitos e consignacións que ten aberta este xulgado, facendo constar no ingreso o número de procedemento.
Así o acorda, manda e asina, Nicolás E. Pita Lloveres, maxistrado do Xulgado do Social número 4 da Coruña».
E para que conste, para efectos da súa publicación no Diario Oficial de Galicia co fin de que sirva de notificación en forma a Bilur 2000, S.L., expido e asino este edicto.
A Coruña, 22 de abril de 2021
A letrada da Administración de xustiza
