Visto o expediente instruído para os efectos de transmisión da batea S.G.C. e da concesión administrativa que a ampara, resulta:

a) Antecedentes:

Primeiro. Mediante escrito do 29 de agosto de 2019, Carmen Teijeiro Ramos solicitou autorización para a transmisión mortis causa da concesión administrativa e da batea S.G.C.

Segundo. A tramitación do expediente paralizouse como consecuencia do inicio do procedemento para o outorgamento da prórroga de concesión de actividade na zona marítima, resolvéndose levantar a paralización a través da resolución mediante a cal foi outorgada dita prórroga, con efectos a computar a partir do 16 de decembro de 2019.

Terceiro. O 31 de xaneiro de 2020 faleceu Carmen Teijeiro Ramos.

Cuarto. Mediante escrito do 20 de abril de 2021, Juana Galbán Teijeiro, María del Carmen Galbán Teijeiro e María Jesús Galbán Teijeiro, en calidade de herdeiras de Serafín Galbán Caamaño e Carmen Teijeiro Ramos e adxudicatarias da concesión administrativa e da batea S.G.C., segundo escritura da aceptación e adxudicación parcial de herdanza previa liquidación da sociedade de gananciais, solicitan a continuación do procedemento para obter a preceptiva autorización de transmisión, para o cal achegaron a documentación requirida para a tramitación.

b) Consideracións legais e técnicas:

Primeira. Este órgano é competente para resolver o expediente de conformidade coa Lei 11/2008, do 3 de decembro, de pesca de Galicia, modificada pola Lei 6/2009, do 11 de decembro, e coa Orde do 8 de setembro de 2017 de delegación de competencias na Secretaría Xeral Técnica da Consellería do Mar, nas direccións xerais e xefaturas territoriais e na Presidencia do Consello de Administración do ente público Portos de Galicia.

Segunda. O expediente seguiu todos os trámites establecidos no procedemento administrativo común, coas especialidades previstas no Decreto 406/1996, do 7 de novembro, polo que se aproba o Regulamento de viveiros de cultivos mariños nas augas de Galicia, e na Orde do 15 de xuño de 1999 pola que se regula o procedemento para a transmisión da titularidade das concesións dos viveiros de cultivos mariños nas augas de Galicia.

Vistas as disposicións citadas, o artigo 88 da Lei 39/2015, do 1 de outubro, do procedemento administrativo común das administracións públicas, e demais normas de xeral e pertinente aplicación, esta consellería resolve:

Autorizar a transmisión mortis causa, a favor de Juana Galbán Teijeiro (***0313**), María del Carmen Galbán Teijeiro (***2327**) e María Jesús Galbán Teijeiro (***7699**), da concesión que se indica a seguir:

Identificación:

Tipo: batea.

Nome: S.G.C.

Situación:

Cuadrícula nº: 106.

Polígono: A.

Distrito: Vilagarcía de Arousa (Pontevedra).

Especie autorizada: mexillón (Mytilus galloprovincialis).

Título habilitante: concesión.

Orde de outorgamento: 15.7.1972.

Remate da vixencia: 15.12.2029.

Actuais titulares: Serafín Galbán Caamaño (***6744**) e Carmen Teijeiro Ramos (***7605**).

Novas titulares: Juana Galbán Teijeiro (***0313**), María del Carmen Galbán Teijeiro (***2327**) e María Jesús Galbán Teijeiro (***7699**).

As novas titulares da concesión subróganse nos dereitos e obrigas dos anteriores.

Contra esta resolución, que esgota a vía administrativa, poderase interpoñer recurso potestativo de reposición no prazo dun mes ante a conselleira do Mar, ou recurso contencioso-administrativo, ante a xurisdición contencioso-administrativa, no prazo de dous meses, contados en ambos os dous casos desde o día seguinte ao da súa publicación, de conformidade co disposto no artigo 123 da Lei 39/2015, do 1 de outubro, do procedemento administrativo común das administracións públicas, e o artigo 46.1 da Lei 29/1998, do 13 de xullo, reguladora da xurisdición contencioso-administrativa.

Vigo, 21 de abril de 2021

A conselleira do Mar
P.D. (Orde do 8.9.2017)
Sonia Lorenzo Santos
Xefa territorial de Vigo