O artigo 15.2 da Lei 1/2016, do 18 de xaneiro, de transparencia e bo goberno (DOG nº 30, do 15 de febreiro) impón a cada consellería da Xunta de Galicia a obriga de publicar no Diario Oficial de Galicia unha relación dos convenios de colaboración subscritos no cuadrimestre anterior.
En consecuencia, e para dar cumprimento a esa obriga,
DISPOÑO:
Darlle publicidade á relación dos convenios subscritos pola Consellería de Emprego e Igualdade nos meses de xaneiro a abril de 2021, que se incorpora como anexo a esta resolución.
Santiago de Compostela, 12 de maio de 2021
José Ramón Pardo Cabarcos
Secretario xeral técnico da Consellería de Emprego e Igualdade
ANEXO
Convenios de colaboración subscritos pola Consellería de Emprego e Igualdade nos meses de xaneiro, febreiro, marzo e abril do ano 2021
Convenio |
Data de sinatura |
Importe total |
Convenio de colaboración entre a Consellería de Emprego e Igualdade e a Deputación Provincial da Coruña para a acreditación da formación impartida no marco do programa de salvamento e socorrismo acuático financiado con cargo a fondos propios desta deputación provincial |
22.2.2021 |
------------- |
Convenio de colaboración entre a Consellería de Emprego e Igualdade e a Fundación clúster de empresas de automoción de Galicia (Ceaga) para a autorización do uso de medios e instalación do centro de Formación Profesional de Coia (Vigo) para a realización de actividades de formación profesional |
17.3.2021 |
----------- |
Convenio de colaboración entre a Consellería de Emprego e Igualdade e as organizacións sindicais e empresarial participantes no diálogo social en Galicia para o impulso do proceso e o desenvolvemento e seguimento dos acordos asinados |
5.4.2021 |
400.000 € |
Convenio de colaboración entre a Consellería de Emprego e Igualdade e as organizacións sindicais e empresarial no marco do proxecto Feag-Empreganav |
13.4.2021 |
2.206.225 € |
Convenio de colaboración entre a Consellería de Emprego e Igualdade e o Foro pola Economía Social Galega para a visibilización e fomento da participación da economía social galega durante o ano 2021 |
30.4.2021 |
60.000 € |