O Pleno da Deputación Provincial de Pontevedra, na sesión ordinaria que tivo lugar o día 30 de abril de 2021, acordou aceptar, de conformidade co previsto no artigo 7.2 do Real decreto lexislativo 2/2004, do 5 de marzo, polo que se aproba o texto refundido da Lei reguladora das facendas locais, e no artigo 106.3 da Lei 7/1985, do 2 de abril, reguladora das bases de réxime local, a delegación de competencias que realizou o Concello de Sanxenxo por acordo do Pleno na sesión do 29 de marzo de 2021 para engadir expresamente dentro da competencia xa delegada de xestión do imposto sobre vehículos de tracción mecánica efectuada por Acordo plenario do 25 de setembro de 1992, a facultade de liquidación previa á primeira matriculación.
A citada delegación será realizada pola Deputación Provincial de Pontevedra a través dos seus servizos tributarios.
O que se fai público para xeral coñecemento e demais efectos.
Pontevedra, 12 de maio de 2021
A presidenta da Deputación Provincial de Pontevedra Carlos López Font P.D. (R.P. nº 2019012988, do 15.7.2019) Deputado delegado de Réxime Interior, Economía, Facenda e ORAL |
Carlos Cuadrado Romay |