O Xurado Provincial de Clasificación de Montes Veciñais en Man Común de Pontevedra, na sesión que tivo lugar o día 19 de agosto de 2020, acordou iniciar os trámites para a clasificación como veciñal en man común do seguinte monte:
Concello: As Neves.
Parroquia: Liñares.
Nome do monte: Charruas ou Coutada.
Cabida: 3.082 m2 (superficie alegada na solicitude).
Referencia catastral: 36034A005012790000H.
Estremas:
Norte: camiño público, estrada PO-400.
Sur: camiño público.
Leste: Luciano Tiago Durán, María Luz Rodríguez Soto, Francisco José Rodríguez, María del Carmen González Soto, Victoriano Avalle Alcántara, Josefa Lira Alonso, Argimiro González Rocha, María Esther Souto Estévez e Pura Tielas Rodríguez.
Oeste: María del Carmen González Rocha.
O que se pon en coñecemento de todas as persoas interesadas, indicándolles que se abre un período dun mes para que poidan examinar o expediente e efectuar as alegacións que coiden convenientes, así como achegar os documentos ou informacións que xulguen oportunas, de conformidade co disposto no artigo 23 do Decreto 260/1992, do 4 de setembro, polo que se aproba o Regulamento para a execución da Lei 13/1989, do 10 de outubro, de montes veciñais en man común.
Pontevedra, 25 de maio de 2021
Amalia Elsa Pazos Pintos
Instrutora do Xurado Provincial de Clasificación de Montes
Veciñais en Man Común de Pontevedra