DOG 111 do 14/06/2021 - RESOLUCIÓN do 2 de xuño de 2021, da Dirección Xeral de Recursos Humanos, pola que se emprazan as partes interesadas no recurso contencioso-administrativo que se tramita na Sala do Contencioso-Administrativo do Tribunal Superior de Xustiza de Galicia, Sección Primeira, co procedemento ordinario 233/2021.

VI. Anuncios

a) Administración autonómica

Servizo Galego de Saúde

RESOLUCIÓN do 2 de xuño de 2021, da Dirección Xeral de Recursos Humanos, pola que se emprazan as partes interesadas no recurso contencioso-administrativo que se tramita na Sala do Contencioso-Administrativo do Tribunal Superior de Xustiza de Galicia, Sección Primeira, co procedemento ordinario 233/2021.

Na Sala do Contencioso-Administrativo do Tribunal Superior de Xustiza de Galicia, Sección Primeira, tramítase o recurso 233/2021 (procedemento ordinario), interposto por Felipe Andión Penelas fronte ao rexeitamento presunto do recurso de reposición do 10 de decembro de 2020, formulado contra a Resolución do 20 de novembro de 2020, da Dirección Xeral de Recursos Humanos, pola que se convoca o procedemento de acceso aos graos I ao IV da carreira profesional correspondente á convocatoria do ano 2020 (DOG núm. 241, do 30 de novembro).

Impugna a concreción fixada no que respecta ao punto sétimo, persoal fixo antes do 31 de decembro de 2011 exento do requisito de permanencia no grao anterior (cláusula 15.6 do acordo da carreira profesional).

O que se notifica para xeral coñecemento de todas as persoas interesadas no procedemento, que son emprazadas para que poidan comparecer no xulgado como demandadas no prazo de nove días, de conformidade co previsto no artigo 49 da Lei 29/1998, do 13 de xullo, reguladora da xurisdición contencioso-administrativa.

Santiago de Compostela, 2 de xuño de 2021

Ana Mª Comesaña Álvarez
Directora xeral de Recursos Humanos