En cumprimento do disposto na Lei 24/2013, do 26 de decembro, do sector eléctrico; na Lei 8/2009, do 22 de decembro, pola que se regula o aproveitamento eólico en Galicia e se crea o canon eólico e o Fondo de Compensación Ambiental, modificada pola Lei 5/2017, do 19 de outubro, de fomento da implantación de iniciativas empresariais en Galicia, e pola Lei 9/2021, do 25 de febreiro, de simplificación administrativa e de apoio á reactivación económica de Galicia; no Real decreto 1955/2000, do 1 de decembro, polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica; na Lei 21/2013, do 9 de decembro, de avaliación ambiental; na Lei 1/2021, do 8 de xaneiro, de ordenación do territorio de Galicia, e demais normas vixentes de aplicación, sométese a información pública a solicitude relacionada coa instalación que se describe a continuación:
Con data do 24 de xuño de 2011, Fergo Galicia Vento, S.L. presentou ante a Xefatura Territorial de Lugo da Consellería de Economía, Emprego e Industria a solicitude de autorización administrativa, aprobación do proxecto de execución, aprobación do proxecto sectorial e declaración de utilidade pública, da instalación eléctrica LAT132kV evacuación parque eólico Airas no concello de Mondoñedo (expediente 009/2011 AT).
Mediante Resolución do 31 de agost de 2017, da Xefatura Territorial de Lugo, someteuse a información pública a solicitude de autorización administrativa, aprobación do proxecto de execución, declaración de utilidade pública, en concreto, e declaración de impacto ambiental da instalación eléctrica LAT 132kV evacuación parque eólico Airas.
Con data do 9 de setembro de 2020 Fergo Galicia Vento, S.L. presentou unha modificación substancial do proxecto inicial da LAT cambiando o modelo dos apoios metálicos de celosía e ampliando a zona de protección da liña o que motivou un cambio nas servidumes sobre o trazado.
Solicitante/promotora: Fergo Galicia Vento, S.L. CIF B-15752611.
Denominación do proxecto: proxecto LAT evacuación PE Airas.
Municipio afectado: Concello de Mondoñedo (Lugo).
Orzamento de execución material: 478.365,84 €.
Características técnicas das instalacións:
Unha liña aérea de evacuación da enerxía de 132 kV proxectada para o parque eólico de Airas que servirá para evacuar a enerxía producida polos parques eólicos de Airas, Canedo e Figueiras cunha lonxitude de 3.831 metros e que se atopa situada no concello de Mondoñedo (Lugo). Ten como orixe o pórtico da subestación do PE de Airas e como final o entroncamento do apoio nº 10 da LAT 132 kV D/C sub. Estelo-PE Mondoñedo e está formada por un circuíto simple con condutor tipo LA-280 (242-Al 1/39-ST1A) e con condutor de protección OPGW-2 24F (a subestación do parque eólico de Airas non forma parte deste proxecto).
Obxecto da información pública:
A solicitude de autorización administrativa previa, a declaración de utilidade pública, en concreto, a autorización administrativa de construción, o estudo de impacto ambiental e o proxecto sectorial de incidencia supramunicipal (proxecto de interese autonómico) das instalacións. A declaración de utilidade, de acordo co artigo 56.1 da Lei 24/2013, do 26 de decembro, do sector eléctrico, levará implícita en todo caso a necesidade de ocupación dos bens ou de adquisición dos dereitos afectados e implicará a urxente ocupación para os efectos do artigo 52 da Lei do 16 de decembro de 1954, de expropiación forzosa.
Documentación que se expón:
• O proxecto de execución (asinado outubro 20).
• A relación concreta e individualizada dos propietarios de bens e dereitos afectados (RBDA-asinada outubro 20), que figura no anexo a este acordo. Planos dos predios afectados (asinado outubro 20).
• O estudo de impacto ambiental (EIA) (asinado maio 21).
• O proxecto sectorial de incidencia supramunicipal (proxecto de interese autonómico) (asinado outubro 20).
O que se fai público, de conformidade co artigo 33 da Lei 8/2009, do 22 de decembro, pola que se regula o aproveitamento eólico en Galicia e se crea o canon eólico e o Fondo de Compensación Ambiental (modificada pola Lei 5/2017, do 19 de outubro, de fomento da implantación de iniciativas empresariais en Galicia, e pola Lei 9/2021, do 25 de febreiro, de simplificación administrativa e de apoio á reactivación económica de Galicia), para o coñecemento xeral, así como, en particular, dos propietarios dos predios que figuran na relación anexa a este acordo e das persoas que sendo titulares de dereitos reais ou intereses económicos sobre os bens afectados que fosen omitidas, para que poidan examinar a documentación técnica anteriormente relacionada e, se for o caso, presentar as alegacións ou observacións que xulguen oportunas dentro do prazo de trinta (30) días, que se contará a partir do día seguinte ao da última publicación deste acordo.
A documentación estará á disposición dos interesados nas dependencias da Sección de Enerxía desta xefatura territorial de Lugo da Vicepresidencia Segunda e Consellería de Economía, Empresa e Innovación (rolda da Muralla, nº 70, baixo 2º, 27071 Lugo, das 9.00 ás 14.00 horas, de luns a venres, con cita previa no correo electrónico enerxia.lugo@xunta.gal ou no teléfono 982 88 94 39), así como no Concello de Mondoñedo (Lugo). Ademais, tamén se poderá consultar no portal web da Vicepresidencia Segunda e Consellería de Economía, Empresa e Innovación a través do seguinte enlace:
https://ceei.xunta.gal/transparencia/parque-eolico/aires
O estudo de impacto ambiental estará tamén dispoñible, durante o mesmo prazo, nas dependencias da Xefatura Territorial de Lugo da Consellería de Medio Ambiente, Territorio e Vivenda.
Lugo, 2 de xuño de 2021
Gustavo J. Casasola de Cabo
Xefe territorial de Lugo