Mediante a Orde do 30 de decembro de 2020, da Consellería de Emprego e Igualdade (DOG núm. 20, do 1 de febreiro de 2021), establecéronse as bases reguladoras do certame Cooperativismo no ensino, dirixido ao alumnado dos centros educativos de Galicia, e procedeuse á súa convocatoria para o ano 2021.

Nas bases reguladoras establécese que os traballos participantes neste concurso serán avaliados por un tribunal e que a persoa titular da Dirección Xeral de Emprego, Traballo Autónomo e Economía Social resolverá a concesión dos premios, que serán obxecto de publicación no Diario Oficial de Galicia.

Unha vez emitidas as propostas de concesión dos premios polos tribunais encargados de avaliar os traballos presentados, nas súas reunións do 24 de maio de 2021, mediante a Resolución da Dirección Xeral de Emprego, Traballo Autónomo e Economía Social, do 26 de maio de 2021, aprobouse a concesión dos premios.

Por todo o anterior,

DISPOÑO:

Facer pública a concesión dos premios do certame Cooperativismo no ensino 2021, dirixido ao alumnado dos centros educativos de Galicia que se relacionan no anexo que se xunta a esta resolución.

Santiago de Compostela, 1 de xuño de 2021

Covadonga Toca Carús
Directora xeral de Emprego, Traballo Autónomo e Economía Social

ANEXO

Certame Cooperativismo no ensino 2021

• Modalidade de actividades artísticas, dirixida ao alumnado dos centros de educación infantil, primaria e educación especial por categorías:

– Categoría A: alumnado de 2º ciclo de educación infantil.

Premio ao mellor traballo: A que sabe o cooperativismo?, do CEIP San Miguel de Reinante-Barreiros.

Accésit: Máis ca un abecedario, do CEIP Plurilingüe Pedro Caselles Rollán.

– Categoría B: alumnado de 1º e 2º de educación primaria.

Premio ao mellor traballo: Laredópolis: A cidade dos nosos soños, do CEIP de Laredo.

Accésit: Cooperamos porque cada gota importa. A auga en Domaio é cousa de todo@s, do CEIP Plurilingüe Domaio.

– Categoría C: alumnado de 3º e 4º de educación primaria.

Premio ao mellor traballo: Historia para con-vivir e cooperar, do CEIP Plurilingüe Domaio.

Accésit: Fin cooperativo ata...a FIN, do CEIP San Miguel de Reinante-Barreiros.

– Categoría D: alumnado de 5º e 6º de educación primaria.

Premio ao mellor traballo: Os Limpacovids, do CEIP Plurilingüe Isidro Parga Pondal.

Accésit: Voo cooperativo, do CEIP San Miguel de Reinante-Barreiros.

• Modalidade de actividades cooperativizadas, dirixida ao alumnado dos centros de educación secundaria obrigatoria e educación especial:

Premio ao mellor traballo: Co2perativa: Sociedade Cooperativa Galega Xuvenil do Sobreiral de Valadares, do IES Valadares.

Accésit: O Banco do Tempo, do IES A Pobra do Caramiñal.

• Modalidade de proxectos empresariais cooperativos, dirixida ao alumnado dos centros de formación profesional e de ensinanzas de réxime especial.

Premio ao mellor proxecto empresarial cooperativo: Capptus Apps Turísticas, presentado polo alumnado do Instituto de Educación Secundaria e Profesional Manuel Antonio de Vigo.

Accésit ao proxecto empresarial finalista: Mareando, presentado polo alumnado do CPR Colexio Mendiño.