O Pleno do Concello de Barro, en sesión do 26 de maio de 2021, aprobou definitivamente o estudo de detalle da parcela D-02 (antigas D11, D12, D13, D14 e D17), promovido por Distribuciones Froiz, S.A.U., co obxecto de reaxustar as aliñacións da parcela D-02 do Plan de sectorización SRAU-I Outeda Curro.
O que se publica en cumprimento do disposto no artigo 82 da Lei 2/2016, do 10 de febreiro, do solo de Galicia, artigo 199 do Decreto 143/2016, do 22 de setembro, polo que se aproba o Regulamento da citada lei, en relación co artigo 70.2 da Lei 7/1985, do 2 de abril, reguladora das bases de réxime local.
Contra o presente acordo de aprobación, que pon fin á vía administrativa, pódese interpor alternativamente recurso de reposición potestativo ante o Pleno deste concello, no prazo dun mes contado desde o día seguinte ao da publicación do presente anuncio, de conformidade cos artigos 123 e 124 da Lei 39/2015, do 1 de outubro, do procedemento administrativo común das administracións públicas, ou ben interpor directamente recurso contencioso-administrativo ante a Sala do Contencioso-Administrativo do Tribunal Superior de Xustiza no prazo de dous meses, contados desde o día seguinte ao da recepción da presente notificación, de conformidade co artigo 10 e 46 da Lei 29/1998, do 13 de xullo, da xurisdición contencioso-administrativa. Todo iso sen prexuízo de que se poida interpor calquera outro recurso que se considere máis conveniente.
Barro, 10 de xuño de 2021
Xosé Manuel Fernández Abraldes
Alcalde