De conformidade co artigo 8 da Lei 19/2013, do 9 de decembro, de transparencia, acceso á información pública e bo goberno, dáse publicidade da seguinte encomenda coas seguintes características:
– Resolución do 3 de xuño de 2021, da Consellería de Sanidade, pola que se encomenda á Axencia Galega de Infraestruturas o estudo de alternativas e avaliación da viabilidade do aparcamento para servizo do Hospital Gran Montecelo.
– Actividade: a presente encomenda de xestión ten por obxecto encomendar á Axencia Galega de Infraestruturas o estudo de alternativas e avaliación da viabilidade do aparcamento para servizo do hospital Gran Montecelo.
Para realizar esta encomenda de xestión, a Axencia Galega de Infraestruturas asume a posición de órgano encomendado e desenvolverá todas as actuacións materiais e técnicas propias da selección de persoa contratista, e execución do contrato.
– Natureza e alcance da xestión encomendada: a encarga ten natureza de encomenda intersubxectiva a medio propio, segundo o disposto no artigo 13.1 da Lei 14/2013, do 26 de decembro, de racionalización do sector público autonómico, e nos artigos 9 e 47 e seguintes da Lei 16/2010, do 17 de decembro, de organización e funcionamento da Administración xeral e do sector público autonómico de Galicia, ao ter a Axencia Galega de Infraestruturas a consideración de medio propio e servizo técnico da Administración da Comunidade Autónoma de Galicia.
– Financiamento: a realización das actividades e/ou actos e negocios xurídicos necesarios para a execución desta encomenda de xestión por parte da Axencia Galega de Infraestruturas efectuarase a título gratuíto, sen que exista retribución ou tarifa.
– Prazo de vixencia: a eficacia da encomenda para a xestión das actuacións para o estudo de alternativas e avaliación da viabilidade do aparcamento para servizo do Hospital Gran Montecelo estenderase desde o día seguinte á súa sinatura ata a data de finalización do estudo.
Santiago de Compostela, 10 de xuño de 2021
Julio García Comesaña
Conselleiro de Sanidade