DOG 117 do 22/06/2021 - RESOLUCIÓN do 3 de xuño de 2021, da Xefatura Territorial de Ourense, pola que se adxudican as subvencións para os proxectos de fomento do uso do galego dos centros de titularidade privada de Galicia que imparten ensinanzas regradas de niveis non universitarios, para o curso escolar 2020/21, ao abeiro da Orde do 23 de decembro de 2020 (Diario Oficial de Galicia número 9, do 15 de xaneiro de 2021).

III. Outras disposicións

Consellería de Cultura, Educación e Universidade

RESOLUCIÓN do 3 de xuño de 2021, da Xefatura Territorial de Ourense, pola que se adxudican as subvencións para os proxectos de fomento do uso do galego dos centros de titularidade privada de Galicia que imparten ensinanzas regradas de niveis non universitarios, para o curso escolar 2020/21, ao abeiro da Orde do 23 de decembro de 2020 (Diario Oficial de Galicia número 9, do 15 de xaneiro de 2021).

A Xefatura Territorial da Consellería de Cultura, Educación e Universidade de Ourense, logo de ver a proposta de resolución da Xefatura do Gabinete de Normalización Lingüística, que fiscalizou a Intervención Territorial Delegada, e ao ter delegadas as competencias, consonte o artigo 14 da convocatoria,

RESOLVE:

– Adxudicarlles as cantidades propostas que se recollen no anexo I.

Contra esta resolución, segundo o disposto nos artigos 123 e 124 da Lei 39/2015, do 1 de outubro, do procedemento administrativo común das administracións públicas, os centros interesados poderán interpor, con carácter potestativo, recurso de reposición, no prazo dun mes a partir do día seguinte ao da súa publicación no Diario Oficial de Galicia, ante o órgano que a ditou (é dicir, a xefatura territorial correspondente), que resolverá por delegación de acordo co disposto na disposición adicional do Decreto 198/2020, do 20 de novembro, ou ben poderán interpor directamente recurso contencioso-administrativo, no prazo de dous meses, ante a Sala do Contencioso-Administrativo do Tribunal Superior de Xustiza de Galicia, de acordo co establecido na Lei 29/1998, do 13 de xullo, reguladora da xurisdición contencioso-administrativa (BOE núm. 167, do 14 de xullo).

Ourense, 3 de xuño de 2021

A xefa territorial de Ourense
P.A. (Decreto 198/2020, do 20 de novembro)
Sandra Quintas Vázquez
Xefa do Servizo de Coordinación Cultural de Ourense

ANEXO

Nº de expediente	Localidade	Nome do centro	NIF	Valor do punto €	Puntuación total	Contía €
OUPR001	Verín	CPR María Inmaculada	R3200034A	16,67	15,00	250,00
OUPR002	Ourense	Fundación Ed. Franciscanas Ana Mogas Divina Pastora	R2802442J	16,67	22,00	367,00
OUPR003	Celanova	CPR Sagrado Corazón	F32022824	16,67	9,70	162,00
OUPR004	Ourense	CPR San Pío X	F32152340	16,67	20,00	333,00
OUPR005	Ourense	Fundación Vedruna Educación	G87804688	16,67	22,00	367,00
OUPR006	Ourense	Colexio Pluri. San José	R3200030I	16,67	17,90	298,00
OUPR007	Ourense	Colexio Pluri. Divino Maestro	R3200054I	16,67	16,90	282,00
OUPR008	Ourense	CPR La Purísima	R3200020J	16,67	17,80	297,00
OUPR009	Rúa, A	CPR Pablo VI	R3200086A	16,67	10,70	178,00
OUPR010	Ourense	CPR Pluri. María Auxiliadora (*)	R3200038B	16,67	29,00	783,00
OUPR011	Barco de V., O	Fundación Ed. Franciscanas Ana Mogas Divina Pastora	R2802442J	16,67	15,70	262,00
OUPR012	Ourense	CPR Concepción Arenal	F32398869	16,67	20,90	348,00
* O centro CPR María Auxiliadora (Salesianos) obtivo 300 € adicionais por obter na epígrafe da calidade unha puntuación igual ou superior aos 22 puntos consonte o disposto na base 12.2 da convocatoria