Para os efectos de darlle cumprimento ao solicitado polo Xulgado do Contencioso-Administrativo número 2 de Ourense, en relación co procedemento ordinario número 133/2021, interposto por José Manuel Camilo Feijóo González, contra a Resolución ditada polo director da Axencia de Protección da Legalidade Urbanística o 18.3.2021, expediente OUR/88/2018-RP1, en que declara que as obras executadas en solo de núcleo rural, consistentes na execución dunha edificación principal (construción 1) destinada a un uso residencial, que carece de título habilitante de natureza urbanística, resulta ilegalizable por ser contraria ao ordenamento urbanístico e na execución dunha edificación auxiliar (construción 2) executada con cerramento de bloque cerámico, que parece dedicarse a curral doméstico, sitas sobre as parcelas catastrais 3253A029007820000IZ, 3253A029024160000IT e 32053A0290 90230000IF, no lugar de Monteverde, concello de Nogueira de Ramuín, non son legalizables por seren incompatibles co ordenamento urbanístico e ordena a demolición das obras, a reposición dos terreos afectados ao estado anterior ao inicio das obras, así como o cesamento definitivo dos usos a que dese lugar, esta dirección resolveu ordenar a remisión do correspondente expediente ao Xulgado do Contencioso-Administrativo número 2 de Ourense.
Ao non poder realizarse a notificación persoal do emprazamento, mediante a presente cédula (que ao abeiro do disposto no artigo 44 da Lei 39/2015, do procedemento administrativo común das administracións públicas, LPACAP, notifícaselle por medio dun anuncio publicado no Boletín Oficial del Estado) se empraza a Santiago Feijóo Martínez para que poida presentarse como interesado nos autos no prazo de nove días, de acordo co disposto no artigo 49.1 da Lei 29/1998, do 13 de xullo, reguladora da xurisdición contenciosa-administrativa.
Santiago de Compostela, 28 de xuño de 2021
Jacobo Hortas García
Director da Axencia de Protección da Legalidade Urbanística